ముద్దెవరికి ఇచ్చావ్ రానా

హీరోగా విలన్ గా క్యారెక్టర్ ఆర్టిస్ట్ గా తనకు నచ్చిన అవకాశాన్ని దేన్నీ వదలకుండా చేస్తున్న దగ్గుబాటి రానా ఇటు యాంకర్ గా కూడా తన టాలెంట్ ని ఎప్పటికప్పుడు ప్రూవ్ చేసుకుంటూనే ఉన్నాడు. నెంబర్ వన్ యారీ పేరుతో సెలబ్రిటీల ఇంటర్వ్యూలను రానా నిర్వహించిన తీరుకు మంచి స్పందన దక్కడమే కాదు దానికి రేటింగ్స్ కూడా బాగా వచ్చి సదరు ఛానల్ రెండో సీజన్ కు వెళ్లేలా చేసింది. అందులో భాగంగా మొదలైన సీక్వెల్ లో రానా వచ్చిన అతిధులతో ఇప్పటిదాకా బయటి ప్రపంచానికి తెలియని రహస్యాలు బయటపెట్టించే క్రమంలో ఆసక్తికరమైన విషయాలు ప్రేక్షకులకు తెలియజేస్తున్నాడు.

చైతుతో ఇలాగే తన మొదటి కిస్ తొమ్మిదో తరగతి చదువుతున్నప్పుడు అని రివీల్ చేయించి ఫ్యాన్స్ తో పాటు సమంతా కూడా షాక్ అయ్యేలా ట్విస్ట్ ఇచ్చాడు. ఇకపోతే ఇందులో భాగంగా రానా సీక్రెట్స్ కూడా కొన్ని తెలుస్తున్నాయి లెండి. రానాకు సైతం ఫస్ట్ కిస్ అనుభవం స్కూల్ ఏజ్ లోనే ఉందట. పదో తరగతి ఫెయిల్ అయినప్పుడు ఇది కలిగింది అని చెప్పాడు. ఎవరు ఎలా ఏ సందర్భంలో లాంటి వివరాలు మాత్రం పూర్తిగా చెప్పలేదు. ఆ మధ్య రానా ప్రత్యేకమైన శ్రద్ధ తీసుకుని మరీ ప్రమోట్ చేసిన కేరాఫ్ కంచరపాలెం సినిమా తరహాలో రానాకు సైతం చైల్డ్ హుడ్ లవ్ ఎపిసోడ్ ఉందన్న మాట.

రానా ప్రస్తుతం ఎన్టీఆర్ బయోపిక్-మార్తాండవర్మ-హాథీ మేరె సాతి షూటింగ్ లతో బిజీగా ఉన్నాడు. ఇవి పూర్తి కాగానే మరో మూడు భారీ ప్రోజెక్టలు రానా అంగీకారం కోసం వెయిట్ చేస్తున్నాయి. మొత్తానికి ఇలా చిన్నప్పుడే ముద్దు కథలు ఉన్న చైతు రానాల తరహాలో ఇంకా ఎవరెవరి స్టోరీలు బయటికి వస్తాయో షో ముందుకు వెళ్లే కొద్దీ తెలుస్తాయేమో