అనుష్క‌, రానా ద్విపాత్రాభిన‌యం!

క‌ట్ట‌ప్ప బాహుబ‌లిని ఎందుకు చంపాడు? అనే విష‌యం గురించి అంత‌టా ఆస‌క్తి వ్య‌క్త‌మ‌వుతోంది. ఈ విష‌యంపై సోష‌ల్ నెట్ వ‌ర్కింగ్ సైట్ల‌ లో జోకులు కూడా వేసుకొంటున్నారు. ఆ ప్ర‌శ్న‌కు అస‌లైన స‌మాధానం రావాలంటే మాత్రం బాహుబ‌లి2 వ‌చ్చే వ‌ర‌కు ఆగాల్సిందే. వ‌చ్చే యేడాది లోనే బాహుబ‌లి 2ని ప్రేక్ష‌కుల ముందుకు తీసుకొస్తానంటున్నాడు రాజ‌మౌళి. అయినా స‌రే... ప్రేక్ష‌కులు మాత్రం ఉత్సుక‌త‌ని ప్ర‌ద‌ర్శిస్తూనే ఉన్నారు. దీంతో బాహుబ‌లి 2 క‌థ ర‌క‌ర‌కాలుగా ప్ర‌చారం సాగుతోంది. ఒకొక్క‌రు ఒక్కో ర‌క‌మైన క‌థ‌ని వినిపిస్తున్నారు. అయితే అస‌లు క‌థ రాసిన విజ‌యేంద్ర‌ప్ర‌సాద్ మాత్రం తాజాగా ఓ విష‌యాన్ని బ‌య‌ట‌పెట్టాడు. అదేంటంటే... బాహుబ‌లి 2 లో అనుష్క‌, రానా ద్విపాత్రాభిన‌యం చేస్తున్నార‌ని. అంటే ఒకేసారి రెండు పాత్ర‌ల్లో క‌నిపిస్తార‌న్న‌మాట‌. అదెలాగ‌న్న‌ది తెర‌పైనే చూడాలి.

తొలి పార్ట్‌ లో రానా, ప్ర‌భాస్, నాజ‌ర్‌, స‌త్య‌రాజ్‌ లాంటివాళ్లు మాత్ర‌మే రెండు షేడ్స్ ఉన్న పాత్ర‌ల్లో క‌నిపించారు. త‌దుప‌రి క‌థ‌ని ఊహిస్తే వాళ్ల‌కి తోడు గా అనుష్క కూడా రెండు షేడ్స్‌ ల్లో క‌నిపించాలి. కానీ అనుష్క‌, రానాల‌ని రెండు పాత్ర‌ ల్లో చూపించ‌బోతున్నామ‌ని విజ‌యేంద్ర‌ప్ర‌సాద్ చెబుతున్నారు. దీన్నిబ‌ట్టి క‌థ‌పై మ‌రింత ఆస‌క్తి వ్య‌క్త‌మ‌వుతోంది. ఇటీవ‌ల బాహుబ‌లి 2 క‌థ‌కి మ‌రిన్ని మెరుగులు దిద్దిన‌ట్టు విజ‌యేంద్ర‌ప్ర‌సాద్ ఓ టీవీ ఛాన‌ల్‌కి ఇచ్చిన ఇంట‌ర్వ్యూలో బ‌య‌ట‌పెట్టాడు. ప్ర‌స్తుతం బాహుబ‌లి ద‌ర్శ‌కుడు విదేశాల్లో సెల‌వుల్ని ఎంజాయ్ చేస్తున్నాడు. ఆయ‌న వ‌చ్చీ రాగానే బాహుబ‌లి2పై దృష్టిపెట్ట‌బోతున్నాడు.