ఫొటో స్టోరీ: జోడీ భ‌లే ఉందే!

తెలుగ‌మ్మాయిలకి తెలుగులో స‌రైన ప్రోత్సాహం ల‌భించ‌డం లేదు కానీ... త‌మిళంలో మాత్రం అద‌ర‌గొడుతున్నారు. ఎంత‌గా అంటే తెలుగులో న‌టించ‌డానికి ఖాళీనే లేద‌నేంత‌గా. అంజ‌లి అయితే రెండు భాష‌ల్నీ బ్యాలెన్స్ చేస్తూ న‌టిస్తోంది కానీ... శ్రీదివ్య మాత్రం కేవ‌లం త‌మిళంపైనే దృష్టిపెట్టింది. హాసిక అలియాస్ ఆనంది అనే మ‌రో తెలుగ‌మ్మాయి కూడా త‌మిళంలో య‌మా బిజీగా కొన‌సాగుతోంది. ఇటీవ‌ల శ్రీదివ్య త‌మిళంలో బెంగుళూరు డేస్ రీమేక్‌ లో న‌టించింది. అందులో మ‌న రానా కూడా న‌టించాడు. బెంగుళూరు నాట్క‌ల్ పేరుతో తెర‌కెక్కిన ఆ చిత్రంలో రానా - శ్రీదివ్య జంట‌గా న‌టించారు. ఈ ఇద్ద‌రి జోడీకి సంబంధించిన కొన్ని స్టిల్స్ ఇటీవ‌ల బ‌య‌టికొచ్చాయి. ఆ స్టిల్స్‌ ని చూసిన‌వాళ్లు ఎవ‌రైనా స‌రే... జోడీ సూప‌ర్బ్ అనాల్సిందే. రానా హైటుకి త‌గ్గ‌ట్టుగానే శ్రీదివ్య క‌నిపిస్తోంది. ఈ జోడీ తెలుగులోనూ క‌లిసి సినిమా చేస్తే భ‌లే ఉంటుంద‌నిపిస్తోంది. శ్రీదివ్య న‌ట‌న‌ని ద‌గ్గ‌రుండి చూసిన రానాలాంటి క‌థానాయ‌కులే చొర‌వ తీసుకొని శ్రీదివ్య‌ని తెలుగులోకి తీసుకురావాల్సిన అవ‌స‌ర‌ముంది. ఇది త‌మిళ సినిమా పోస్ట‌రే అయినా... న‌టీన‌టులు తెలుగువాళ్లు కావ‌డంతో తెలుగుద‌నమే కొట్టొచ్చిన‌ట్టు క‌నిపిస్తోంది క‌దూ!