ఫోటో స్టోరి: నేనే జోగేంద్ర!!

కండలు తిరిగిన దేహం.. కళ్లలోనే క్రౌర్యం. కసితో నిండిన పదునైన మాటలతో బాహుబలితో తలపడిన భళ్లాలదేవుడిని ప్రేక్షకులు అంత తొందరగా మర్చిపోరు. అంతగా ఆ పాత్రలో మెప్పించాడు యువ నటుడు దగ్గుబాటి రానా. బాహుబలి ఒకటి, రెండు పార్టుల మధ్యలో ఘాజీ సినిమా చేశాడు. ఈ సినిమా బాగానే ఆడినా బాహుబలి-2 రిలీజ్ తర్వాత అతడిని మళ్లీ భళ్లాలదేవుడిగానే గుర్తుంచుకున్నారు. ఈ సినిమా తర్వాత తాజాగా తేజ దర్శకత్వంలో నేనే రాజు నేనే మంత్రి సినిమా చేస్తున్నాడు.

తన కెరీర్ లో రెండోసారి పొలిటికల్ బ్యాక్ డ్రాప్ తో తెరకెక్కుతున్న నేనే రాజు నేనే మంత్రి సినిమాలో రానా జోగేంద్ర పాత్ర చేస్తున్నాడు. ఈ సినిమా టీజర్ త్వరలో విడుదల రానుంది. అంతకుముందే జోగేంద్ర ఫస్ట్ లుక్ రిలీజ్ చేశారు. ఇందులో చెవిపై భాగాన బంగారం రింగుతో ఖద్దరు చొక్కా... కూలింగ్ గ్లాసెస్ తో ఉన్న ఈ గెటప్ అదిరిందనే చెప్పాలి. ఈ గెటప్ లో అసలు సిసలైన యంగ్ పొలిటీషియన్ లా కనిపిస్తున్నాడు. ఈ ఫస్ట్ లుక్ ఈ సినిమాపై బజ్ మరింత పెంచేస్తోంది. రానా తొలి సినిమా లీడర్లో రాజకీయ నేపథ్యంలో తీసిందే. అందులో సీఎం పాత్రలో కనిపించి మెప్పించాడు. అయినప్పటికీ అందులో రానాిది సాఫ్ట్ పొలిటీషియన్ క్యారెక్టర్. నేనే రాజు నేనే మంత్రిలో దానికి చాలా డిఫరెంట్ గా కనిపిస్తున్నాడు.

లక్ష్మీకళ్యాణం సినిమాతో తెలుగు తెరకు కాజల్ ను పరిచయం చేసిన తేజ సుదీర్ఘ కాలం తర్వాత నేనే రాజు నేనే మంత్రి సిినిమాలో ఆమెను హీరోయిన్ గా తీసుకున్నాడు. సహజంగా తేజ లవ్ స్టోరీలు తీయడంలో స్పెషలిస్టు. మొదటి సారి ట్రెండ్ మార్చి పొలిటికల్ జోనర్ లో సినిమా తీస్తున్నాడు. ఈ సినిమాలో క్యాథరిన్ త్రెసా మరో హీరోయిన్. నవదీప్, అశుతోష్ రాణా కీలక పాత్రలు పోషిస్తున్నారు.

Like Us on Facebook : https://www.facebook.com/Tupakidotcom/