కిలాడీకే రానా బిగ్ థ్రెట్!?

కొన్నిసార్లు అదృష్టం ఎలా క‌లిసొస్తుందో ఎవ‌రూ ముందే ఊహించ‌లేరు. కొన్ని ప్లాన్డ్ గా సెట‌ప్ చేసేవి అయితే, మ‌రికొన్ని అనుకోకుండా త‌గిలే ల‌క్ ఫ్యాక్ట‌ర్ అని చెప్పొచ్చు. రానా లైఫ్‌ లో అలాంటి ల‌క్ ఫ్యాక్ట‌ర్ బాగా వ‌ర్క‌వుట‌వుతోంద‌నే చెప్పాలి. ఎస్.ఎస్.రాజ‌మౌళి `బాహుబ‌లి` చిత్రంలో భ‌ళ్లాల‌దేవ క్యారెక్ట‌ర్ రానాకు ఆఫ‌ర్ చేయ‌డం ఒక స్నేహంతో కూడుకున్న‌ సెట‌ప్ అని అనుకుంటే - ఇప్పుడు `హౌస్ ఫుల్ 4` చిత్రంలో అవ‌కాశం ఒక ల‌క్ ఫ్యాక్ట‌ర్ అని చెప్పాలి. రానాకు బాలీవుడ్ లో బిగ్ కాంటాక్ట్స్ ఉన్న మాట నిజ‌మే కానీ, ఈ చిత్రం నుంచి నానా ప‌టేక‌ర్ త‌ప్పుకోక‌పోతే ప‌రిస్థితేంటి? ఆ స‌న్నివేశం క్రియేట‌వ్వ‌డం అన్న‌ది త‌న‌కి క‌లిసొచ్చిన మేజ‌ర్ అంశం అనే చెప్పాలి.

అక్టోబ‌ర్ లో జ‌రిగిన కొన్ని ప‌రిణామాల‌తో సీనియ‌ర్ న‌టుడు నానా ప‌టేక‌ర్ ఈ చిత్రం నుంచి త‌ప్పుకున్నాడు. అంత పెద్ద స్టార్ కోసం రాసుకున్న పాత్ర‌కు ద‌ర్శ‌కర‌చ‌యిత‌ ఫ‌ర్హాద్ సామ్జీ రానానే ఏరికోరి ఎంపిక చేసుకున్నాడంటే అది ఓ ర‌కంగా ఆయాచితంగా క‌లిసొచ్చిన‌ అదృష్టం అనే భావించాలి. త‌నూశ్రీ ద‌త్తా వేదింపుల వ్య‌వ‌హారంలో నానా ప‌టేక‌ర్ ఆరోప‌ణ‌లు ఎదుర్కోవ‌డం ప్రాజెక్టు నుంచి ఉద్వాస‌న‌కు కార‌ణ‌మైంది. అలాగే ఈ చిత్రానికి ద‌ర్శ‌క‌త్వం వ‌హించాల్సిన సాజిద్ ఖాన్ అదే త‌ర‌హాలో లైంగిక ఆరోప‌ణల వ‌ల్ల‌నే త‌ప్పుకున్నాడు. అలా ఫ‌ర్హాద్‌ సామ్జీ తెర‌పైకి వ‌చ్చాక .. రానాకు ఛాన్సొచ్చింది.

ఇంత‌కీ `హౌస్ ఫుల్ 4` చిత్రంలో కిలాడీ అక్ష‌య్ కుమార్ - రితేష్ దేశ్‌ ముఖ్‌ - బాబి డియోల్ లాంటి బెస్ట్ స్టార్లు ఉండ‌గా - రానా చేసేది ఏంటి? అంటే దానికి స‌మాధానం తాజాగా ద‌ర్శ‌కుడే తెలిపారు. ఈ చిత్రంలో రానా పాత్ర ఒక `థ్రెట్` అని సీక్రెట్ ని ఓపెన్ చేసేశారు. ఈ పాత్ర గురించి ఇప్పుడే చెప్పేయ‌డం స‌రికాదు.. అయితే రానా పాత్ర సినిమాలో ఎంతో కీల‌క‌మైన‌ది అని తెలిపారు. రానా థ్రెట్ అంటే అత‌డే విల‌న్ అని అర్థ‌మ‌వుతోంది. మొత్తానికి రానా రొట్టె విరిగి నెయ్యిలో ప‌డింద‌నే చెప్పాలి. ఈ చిత్రంలో అత‌డు న‌టుడిగా మ‌రో స్థాయిని చూపించే ఛాన్సుంది. బాలీవుడ్ లో మోస్ట్ స‌క్సెస్ ఫుల్ ఫ్రాంఛైజీగా పేరున్న `హౌస్ ఫుల్` సిరీస్ లో అత‌డికి ఇక‌పైనా ఛాన్స్ లుంటాయి. అలాగే ద‌ర్శ‌కుడు ఫ‌ర్హాన్ సామ్జీ బాలీవుడ్ లోనే పెద్ద ర‌చ‌యిత‌. ప్ర‌స్తుతం రోహిత్ శెట్టి తెర‌కెక్కించ‌నున్న `గోల్ మాల్ 5` చిత్రానికి ఇత‌డే క‌థ అందిస్తున్నాడు. అందులో కూడా రానాకు ఓ క్యారెక్ట‌ర్ ప‌డిందంటే ఇక అంతే సంగ‌తి. రానా బాలీవుడ్ లోనూ మ‌రో లెవ‌ల్ ని ట‌చ్ చేస్తాడన‌డంలో సందేహం లేదు. మ‌రోవైపు రానా టాలీవుడ్ లోనూ బిజీ స్టార్ అన్న సంగ‌తి తెలిసిందే.