పిక్‌ టాక్ : స్టార్ కిడ్స్ తో రానా ఏంటీ?

టాలీవుడ్ లో దాదాపు అందరితో స్నేహ భావంతో ఉంటూ అందరిని చాలా ఆప్యాయంగా పలకరిస్తూ అందరితో చిల్ గా ఉండే హీరో ఎవరు అంటే ఠక్కున వినిపించే పేరు రానా అనడంలో సందేహం లేదు. పెద్ద ఎత్తున రానాకు అభిమానులు ఉంటారు. ఇండస్ట్రీలో ఆయన స్నేహితులు సన్నిహితులు కూడా చాలా మంది ఉంటారు అనడంలో సందేహం లేదు. ఆయన పార్టీలకు రెగ్యులర్ గా హాజరు అవ్వడం వల్ల అక్కడ చాలా మందితో పరిచయాలు అవుతూ ఉంటాయి. తాజాగా రానా యూనివర్శిల్ స్టార్‌ కమల్‌ హాసన్ కిడ్స్ శృతి హాసన్ మరియు అక్షర హాసన్ లతో సరదాగా టైమ్‌ స్పెండ్ చేశాడు. ఈ ఫొటోను శృతి హాసన్ షేర్ చేసి ఒక మంచి స్నేహితుడితో మంచి టైమ్‌ స్పెండ్‌ చేశాం అంటూ చెప్పుకొచ్చింది.

శృతి హాసన్‌ హీరోయిన్ గా ఎంత బిజీగా ఉన్నా కూడా స్నేహితులకు సమయం ను ఖచ్చితంగా కేటాయిస్తూనే ఉంటుంది. ఆమె హీరోయిన్‌ గా వస్తున్న సినిమాలు ఈమద్య కాలంలో మంచి విజయాలను సొంతం చేసుకున్న కారణంగా ఆమె మరింత బిజీ అవుతోంది. అక్షర హాసన్ కూడా సినిమాల్లో ఎంట్రీ ఇవ్వబోతున్నట్లు వార్తలు వచ్చాయి. కాని ఆమె నటిగా ఒకటి రెండు సినిమాలకే పరిమితం అయ్యింది. ముందు ముందు ఏమైనా ఆమె సినిమాల్లో కనిపిస్తుందా అనేది చూడాలి. ఉన్నట్టుండి ఈ ముగ్గురు ఎక్కడ కలిశారు.. వీరు ఏ సందర్బంలో కలిసి ఉంటారు అనేది ప్రస్తుతం చర్చ జరుగుతోంది.

రానా నటించిన 'విరాటపర్వం' సినిమా విడుదలకు సిద్దం అయ్యింది. మరో వైపు పవన్ కళ్యాణ్ తో కలిసి భీమ్లానాయక్ సినిమాలో కూడా రానా నటిస్తున్నాడు. ఇంకా పలు సినిమాలు కూడా రానా కిటీలో ఉన్నాయి. కొన్ని అనారోగ్య సమస్యల వల్ల రానా గ్యాప్‌ ఇచ్చినా రాబోయే రెండేళ్లలో రానా నుండి బ్యాక్ టు బ్యాక్ సినిమాలు ఉండబోతున్నాయి. ఆ సినిమాల్లో ఒక సినిమాను శృతి హాసన్ తో కూడా రానా చేస్తాడేమో అని ఈ ఫొటో చూస్తుంటే అనిపిస్తుంది. రానా మరియు శృతి హాసన్ ల జోడీ బాగుంటుందని.. కలిసి నటించాలని కొందరు కోరుకుంటూ ఈ ఫొటోకు కామెంట్స్ చేస్తున్నారు.