రానా నెక్స్ట్ సినిమా విడుదల అప్పుడేనట!

విభిన్న పాత్రలతో పాటు కంటెంట్ ఉండే సినిమాలను ఎంచుకుంటూ అందరినీ మెప్పిస్తున్నాడు రానా దగ్గుబాటి. అదే బాటలో ప్రభు సాలమన్ దర్శకత్వంలో 'హాథీ మేరె సాథీ' అనే సినిమాలో నటిస్తున్న సంగతి తెలిసిందే. హిందీ-తెలుగు- తమిళ భాషలలో తెరకెక్కుతున్న ఈ సినిమా మెజారిటీ భాగం షూటింగ్ థాయిల్యాండ్ అడవుల్లోనూ.. కేరళలలోను షూటింగ్ జరుపుకుంది. ఈ సినిమాను వచ్చే ఏడాది సమ్మర్ లో రిలీజ్ చేద్దామని ప్లాన్ చేస్తున్నారట.

ఈ సినిమాను మొదట్లో దీపావళి సందర్భంగా రిలీజ్ చేసేందుకు ప్లాన్ చేశారట.. కానీ రానా 'ఎన్టీఆర్' సినిమాలో జాయిన్ అవడంతో ఈ సినిమా లాస్ట్ షెడ్యూల్ డిలే అయింది. దీంతో పెండింగ్ ఉన్న షెడ్యూల్ ను నవంబర్ లో కంప్లీట్ చేసేందుకు ప్రిపరేషన్స్ చేసుకుంటున్నారట. ఈ షెడ్యూల్ తో రెగ్యులర్ షూటింగ్ అంతా పూర్తయినా భారీగా VFX వర్క్ ఉండడంతో వచ్చే ఏడాది మేలో రిలీజ్ కు ప్లాన్ చేశారు.

హీరోకు ఒక ఏనుగు కు మధ్య ఉండే అనుబంధం నేపథ్యంలో తెరకెక్కనున్న ఈ సినిమాలో నటించేందుకు రానా స్పెషల్ ట్రైనింగ్ కూడా తీసుకున్నాడు. ఈ భారీ బడ్జెట్ యాక్షన్ అడ్వెంచర్ సినిమాను ఈరోస్ ఇంటర్నేషనల్ వారు నిర్మిస్తున్నారు.