Begin typing your search above and press return to search.
అందరికి బాగానే ఉంది, నాకే దూల తీరింది
By: Tupaki Desk | 4 Jan 2019 6:35 AM GMT
ఎన్టీ రామారావు బయోపిక్‌ ‘ఎన్టీఆర్‌’ మరో నాలుగు రోజుల్లో ప్రేక్షకుల ముందుకు వచ్చేందుకు సిద్దం అయ్యింది. ఈ చిత్రం ప్రమోషన్‌ లో భాగంగా ఈ సినిమాలో నటించిన పలువురు స్టార్స్‌ ఇంటర్వ్యూలు ఇస్తున్నారు. బాలకృష్ణతో పాటు కళ్యాణ్‌ రామ్‌, సుమంత్‌, రానాలు సినిమా ప్రమోషన్‌ లో పాల్గొన్నారు. ఈ సందర్బంగా రానా ఒక ఇంటర్వ్యూలో మాట్లాడుతూ ఆసక్తికర వ్యాఖ్యలు చేశాడు. ‘ఎన్టీఆర్‌’ చిత్రంలో రానా నారా చంద్రబాబు నాయుడు పాత్రను పోషిస్తున్న విషయం తెల్సిందే. ‘ఎన్టీఆర్‌’ రెండు పార్ట్‌ లలో కూడా రానా పాత్ర చాలా కీలకంగా కనిపించబోతున్నట్లుగా తెలుస్తోంది.
‘ఎన్టీఆర్‌’ లో చంద్రబాబు నాయుడు పాత్ర పోషించడం పట్ల రానా స్పందిస్తూ... మీ అందరికి మంచి పాత్రలు వచ్చాయి, మీ అందరికి బాగానే ఉంది, మీరు మీ తండ్రులు, తాతల పాత్రలను చేసి బాగానే ఉన్నారు. కాని నాకు చంద్రబాబు నాయుడు గారి పాత్ర ఇవ్వడంతో దూల తీరిపోయింది అంటూ నవ్వుతూ సరదా కామెంట్‌ చేశాడు. నాకు క్రిష్‌ ఈ పాత్ర గురించి చెప్పగానే ఎన్టీఆర్‌ గారిపై ఉన్న అభిమానంతో కాదనలేక పోయాను. ఈ చిత్రం కోసం చాలా హోం వర్క్‌ చేయాల్సి వచ్చింది. చంద్రబాబు గారి ముందు తీసుకు వెళ్లి కూర్చోబెట్టారు. ఆయన చాలా విషయాలు చెప్పారు. ఆయన ఇచ్చిన ఇన్‌ పుట్స్‌ వల్ల ఈ పాత్ర చేయడం నాకు ఈజీ అయ్యిందన్నాడు.
బాలకృష్ణ ప్రధాన పాత్రలో నటించిన ‘ఎన్టీఆర్‌’ చిత్రంలో బసవతారకం పాత్రను విద్యాబాలన్‌, ఏయన్నార్‌ పాత్రను సుమంత్‌, హరికృష్ణ పాత్రను కళ్యాణ్‌ రామ్‌ లతో పాటు ఇంకా పలువురు స్టార్స్‌ ఈ చిత్రంలో కనిపించబోతున్నారు. భారీ అంచనాల నడుమ ఈ చిత్రాన్ని సంక్రాంతి కానుకగా ఈనెల 9న ప్రేక్షకుల ముందుకు తీసుకు రాబోతున్నారు. ‘ఎన్టీఆర్‌’ రెండవ పార్ట్‌ ‘ఎన్టీఆర్‌ మహానాయకుడు’ చిత్రం ఫిబ్రవరి 7వ తారీకున భారీ ఎత్తున విడుదల కాబోతుంది. ఈ రెండు పార్ట్‌ లకు సంబంధించిన బిజినెస్‌ పెద్ద ఎత్తున ఇప్పటికే జరిగింది.
‘ఎన్టీఆర్‌’ లో చంద్రబాబు నాయుడు పాత్ర పోషించడం పట్ల రానా స్పందిస్తూ... మీ అందరికి మంచి పాత్రలు వచ్చాయి, మీ అందరికి బాగానే ఉంది, మీరు మీ తండ్రులు, తాతల పాత్రలను చేసి బాగానే ఉన్నారు. కాని నాకు చంద్రబాబు నాయుడు గారి పాత్ర ఇవ్వడంతో దూల తీరిపోయింది అంటూ నవ్వుతూ సరదా కామెంట్‌ చేశాడు. నాకు క్రిష్‌ ఈ పాత్ర గురించి చెప్పగానే ఎన్టీఆర్‌ గారిపై ఉన్న అభిమానంతో కాదనలేక పోయాను. ఈ చిత్రం కోసం చాలా హోం వర్క్‌ చేయాల్సి వచ్చింది. చంద్రబాబు గారి ముందు తీసుకు వెళ్లి కూర్చోబెట్టారు. ఆయన చాలా విషయాలు చెప్పారు. ఆయన ఇచ్చిన ఇన్‌ పుట్స్‌ వల్ల ఈ పాత్ర చేయడం నాకు ఈజీ అయ్యిందన్నాడు.
బాలకృష్ణ ప్రధాన పాత్రలో నటించిన ‘ఎన్టీఆర్‌’ చిత్రంలో బసవతారకం పాత్రను విద్యాబాలన్‌, ఏయన్నార్‌ పాత్రను సుమంత్‌, హరికృష్ణ పాత్రను కళ్యాణ్‌ రామ్‌ లతో పాటు ఇంకా పలువురు స్టార్స్‌ ఈ చిత్రంలో కనిపించబోతున్నారు. భారీ అంచనాల నడుమ ఈ చిత్రాన్ని సంక్రాంతి కానుకగా ఈనెల 9న ప్రేక్షకుల ముందుకు తీసుకు రాబోతున్నారు. ‘ఎన్టీఆర్‌’ రెండవ పార్ట్‌ ‘ఎన్టీఆర్‌ మహానాయకుడు’ చిత్రం ఫిబ్రవరి 7వ తారీకున భారీ ఎత్తున విడుదల కాబోతుంది. ఈ రెండు పార్ట్‌ లకు సంబంధించిన బిజినెస్‌ పెద్ద ఎత్తున ఇప్పటికే జరిగింది.
