భల్లాలదేవ ప్లానింగ్ వేరే ఉందట!

లీడర్ తో హీరోగానే కెరీర్ మొదలుపెట్టినా బాహుబలిలో చేసిన విలన్ రోల్ భల్లాలదేవాతోనే ఎక్కువ పేరు ప్రఖ్యాతులు సంపాదించుకున్న రానా ఇటు నటుడిగా కొనసాగుతూ నాన్న అడుగుజాడల్లో నిర్మాతగా తనదైన ముద్ర వేసేందుకు ప్రణాళికలు వేస్తున్నాడు. సురేష్ ప్రొడక్షన్స్ అంటే ఒక హిస్టరీ. దాని లెగసిని కాపాడటం అంత ఈజీ కాదు.

కానీ ఇటీవలి కాలంలో కొన్ని చిన్న సినిమాలను ప్రోత్సహించే ఉద్దేశంతో సహాయ సహకారాలు ఇస్తూ సురేష్ లోగోతో వాటిని ప్రమోట్ చేయడం ఉపయుక్తంగానే ఉన్నా కొన్నింటి వల్ల బ్రాండ్ మీద ఎఫెక్ట్ పడుతుందేమో అని ఆలోచించిన రానా ఓ కొత్త ప్లాన్ వేశాడట. దాని ప్రకారం సురేష్ సంస్థ మీద కేవలం స్వంత నిర్మాణాలు మాత్రమే చేస్తూ ఇతర బడ్జెట్ సినిమాలకు కొత్త బ్యానర్ ను స్థాపిస్తారట

ఇదేదో బాగానే ఉంది. కేరాఫ్ కంచెరపాలెం నుంచి రానా చిన్న సినిమాల మీద పెట్టుబడులకు ఆసక్తికరంగా ఉన్నాడు. సురేష్ బాబు సైతం పెళ్లి చూపులు నుంచి ఫలక్ నుమా దాస్ దాకా ఇదే స్ట్రాటజీ ఫాలో అయ్యారు. ఇటీవలే ఇకపై సురేష్ సంస్థ మీదే వేరే సినిమాలు ఉండవని వాటి కోసం ఇంకో సిస్టర్ కన్సర్న్ బ్యానర్ ను పెడతామని చెప్పిన సంగతి తెలిసిందే.

ఇక్కడ సురేష్ బాబు చెప్పింది రానా మనసులో ఉన్నది ఒకటే అనిపిస్తోంది. వెంకీ మామ తర్వాత దీనికి సంబంధించిన క్లారిటీ వచ్చే అవకాశం ఉంది. రానా వేణు ఊడుగుల దర్సకత్వంలో విరాటపర్వంతో పాటు గుణశేఖర్ హిరణ్యకశిప కోసం రెడీ అవుతున్నాడు. నిర్మాణంలో ఉన్న హాథీ మేరె సాతి ఈ ఏడాదిలోనే విడుదలకు రెడీ కానుంది.