రానా కూడా అక్కడే కూర్చున్నాడు

చాలామంది ప్రముఖ ఫోటోగ్రాఫర్లు.. బ్లాక్ వైట్లో ఫోటోలు తీయడానికి లేదంటే.. ఒక బాత్ టబ్ సాక్షిగా అమ్మళ్ళ అందాలను ఆవిష్కరించడానికి భలే ఇష్టపడుతుంటారు. అప్పుడే స్నానం చేసి బయటకు లేస్తున్న వయ్యారాలను అలా కెమెరా కంటితో బంధిస్తే ఆ కిక్కే వేరబ్బా అంటుంటారు. అందుకే చాలామంది టాప్ ఫోటోగ్రాఫర్ల ప్రొఫైల్ లో అటువంటి ఫోటోలు అనేకం ఉంటాయి. కాని ఇక్కడ బాత్ టబ్ గురించి వేరే మాట కూడా చెప్పుకోవాలి.

శ్రీదేవి దుబాయలో చనిపోయింది అనగానే.. మన టివి చానళ్లన్నీ ఆమె బాత్ టబ్ లో మునిగి చనిపోయింది కాబట్టి.. వెంటనే బాత్ టబ్ పక్కనే నుంచుని యాంకరింగ్ చేస్తున్నట్లు న్యూస్ ప్రెజంటర్లను మనకు చూపించారు. కొందరైతే నిజంగానే ఒక బాత్ టబ్ లో పడుకుని మరీ లైవ్ రిపోర్టింగ్ చేశారు. ఆ దెబ్బతో బాత్ టబ్ కు ఉన్న మీనింగ్ అండ్ ఫీలింగ్ మారిపోయింది. ఇప్పుడు మ్యాటర్లోకి వస్తే.. ది మ్యాన్ మ్యాగజైన్ కోసం దగ్గుబాటి రానా కూడా ఒక బాత్ టబ్ లో కూర్చుని ఫోజిచ్చాడు. అదే కవర్ పేజీ తెలుసా.

అయితే రానా ను బాత్ టబ్ లో చూపించడం వెనుక వేరే ఉద్దేశ్యం ఏమీ లేకపోయినా కూడా.. తెలుగోళ్లకు మాత్రం ఎక్కువగా శ్రీదేవి బాత్ టబ్ విషయాలే గుర్తొస్తున్నాయట. అయ్యో రానా కూడా అక్కడే కూర్చున్నాడు అంటూ వారు నవ్వుకుంటున్నారు. ఇక ప్రస్తుతం అనేక సినిమాలను చేస్తున్న రానా.. సాలిడ్ గా నిలబెట్టేసే కమర్షియల్ సినిమా ఒకటి చేయాలని ఉవ్విళూరుతున్నాడు. కాని ఇంకా అటువంటి కథ తన దగ్గరకు రాలేదట.