ఆలస్యానికి సారీ చెప్పిన రానా

మూడేళ్ళ క్రిందట రానా దగ్గుబాటి ప్రభు సోలోమన్ తో సినిమా మొదలెట్టాడు. హిందీ - తమిళ్ - తెలుగు భాషల్లో బైలింగ్వెల్ సినిమాగా ప్లాన్ చేసారు. అనుకున్న సమయానికే షూటింగ్ మొదలు పెట్టిన ఆ తర్వాత సినిమాకు అన్నీ అడ్డంకులే ఎదురయ్యాయి. వరసపెట్టి కొన్ని ఇబ్బందులు ఎదుర్కున్నారు యూనిట్. ఇక రానా అనారోగ్యం కూడా షూటింగ్ కి అడ్డు తగిలింది. ఒక దశలో రానా కి కూడా ఈ సినిమా పూర్తయి రిలీజ్ అవుతుందనే కాన్ఫిడెన్స్ పోయింది.

ఇక ఎట్టకేలకు అన్ని అడ్డంకులు దాటి సినిమా రిలీజ్ డేట్ ప్రకటించాడు మేకర్స్. ఏప్రిల్ 2 న రిలీజ్ చేయనున్నట్లు ప్రకటించారు. మూడేళ్ళు గా సెట్స్ పై ఉన్న సినిమా ఎట్టకేలకు డేట్ కన్ఫర్మ్ అయిందంటూ చెప్తూ డిలే అయినందుకు సినిమా అభిమానులకు సారీ కూడా చెప్పాడు దగ్గుబాటి హీరో. పాన్ ఇండియా సినిమా కావడంతో ప్రమోషన్స్ పై ప్రత్యెక శ్రద్ధ పెట్టనున్నారు. అందుకే ముందుగా డేట్ ను లాక్ చేసుకున్నారు.

అయితే ఇదే రోజు నాగ చైతన్య నటిస్తున్న 'లవ్ స్టోరీ' సినిమాను రిలీజ్ చేయాలనే ప్లాన్ లో ఉన్నారు. ఇప్పటికే ఆ డేట్ ని పక్కా చేసుకొని షూటింగ్ చేస్తున్నారు. ఇప్పుడు అనుకోకుండా రానా అదే డేట్ కి తన సినిమాను అఫీషియల్ ప్రకటించేసాడు. మరి చైతూ కూడా అదే రోజు వస్తే బావ -బామ్మర్ది ల పోటీ ఉండనుంది.