తాప్సికి లిఫ్టివ్వ‌బోతున్న‌ రానా?

తెలుగు ఆఫ‌ర్ల‌పై ఎప్పుడూ అసంతృప్తి వ్య‌క్తం చేస్తుంటుంది తాప్సి. ఇక్క‌డ అంద‌రిలాగే వ‌రుస‌గా సినిమాలు చేస్తూ రాణించాల‌ని ఉన్నా తాప్సికి మాత్రం ఎందుకో స‌రైన అవ‌కాశాలు ద‌క్క‌లేదు. గ్లామ‌ర్ విష‌యంలోనూ ఏమాత్రం లోటు చేయ‌ద‌ని పేరుంది. అయినా స‌రే తెలుగు ద‌ర్శ‌క‌నిర్మాత‌లు మాత్రం ఆమెని క‌నిక‌రించ‌లేదు. త‌ప్ప‌ని పరిస్థితుల్లో తాప్సి హిందీపై దృష్టిపెట్టింది. అక్క‌డ అడ‌పాద‌డ‌పా సినిమాలు చేస్తోంది కానీ... ద‌క్షిణాదిపై మాత్రం మ‌మ‌కారం చంపుకోలేదు. బాలీవుడ్‌ కి ధీటుగా ఇక్క‌డ కూడా పారితోషికం ల‌భిస్తుండ‌టంతో తెలుగు - త‌మిళంలో ఎలాగైనా మ‌రిన్ని అవ‌కాశాలు కొట్టేయాల‌ని చూస్తోంది తాప్సి. అందుకే త‌న‌కి తెలిసిన ద‌ర్శ‌క‌నిర్మాత‌ల‌తో నిత్యం క‌మ్యూనికేష‌న్ మెంటైన్ చేస్తోంది. ఆ ప్ర‌య‌త్నాలు వ‌ర్క‌వుట్ అయ్యేలాగే ఉన్నాయి.

టాలెంటెడ్ తాప్సికి తాజాగా రానా లిఫ్ట్ ఇవ్వాల‌ని డిసైడ్ అయిన‌ట్టు తెలుస్తోంది. రానా క‌థానాయ‌కుడిగా సంక‌ల్ప్ రెడ్డి అనే ఓ కొత్త ద‌ర్శ‌కుడు తెలుగు - త‌మిళం - హిందీ భాష‌ల్లో ఒక సినిమాని తీయ‌బోతున్నాడు. స‌బ్‌ మెరైన్ ట్యాంక‌ర్ నేప‌థ్యంలో సాగే క‌థ అది. 1971లో ఇండియా పాకిస్తాన్‌ ల మ‌ధ్య జ‌రిగిన యుద్ధం ఆధారంగా తెర‌కెక్కించ‌బోతున్నారు. అందులో క‌థానాయికగా స‌మంత‌ని ఎంపిక చేసుకోబోతున్నార‌ని ఆమ‌ధ్య ప్ర‌చారం సాగింది. కానీ ఇప్పుడు రానా మ‌న‌సు మార్చుకొని తాప్సికే ఓటేశాడ‌ని తెలుస్తోంది. తాప్సికి ద‌క్షిణాదితోపాటు హిందీలోనూ మంచి గుర్తింపు ఉంది. అందుకే ఆమెతో క‌లిసి న‌టిస్తే హిందీ మార్కెట్‌ కి ప్ల‌స్స‌వుతుంద‌ని రానా నిర్ణ‌యించుకొన్న‌ట్టు తెలిసింది. ఇదివ‌ర‌కు తాప్సితో క‌లిసి బేబిలో న‌టించాడాయ‌న‌. త‌న సొంత సంస్థ సురేష్ ప్రొడ‌క్ష‌న్స్‌ లోనే ఈ సినిమాని నిర్మించ‌బోతున్నాడు.