రానా సపోర్టు ఏం చేస్తుందో మరి..

టాలీవుడ్ లో ప్రస్తుతం అందరిచూపు హలో వైపే ఉందని చూపాలి. సినిమా ఎలా ఉంటుందా అన్నది తర్వాత సంగతి. కానీ ఆ సినిమా రేంజ్ ని పెంచాలని ఎలాగైనా సక్సెల్ చేయించాలని అక్కినేని వారి ఫ్యామిలీ కష్టపడుతున్న తీరు ఎంతవరకు వర్కౌట్ అవుతుందా అనేదే హాట్ టాపిక్. అఖిల్ మొదటి సినిమా డిజాస్టర్ అవ్వడంతో రీలాంచ్ చేయించి బాక్స్ ఆఫీస్ హీరోగా మార్చాలని నాగ్ ఇప్పటికే చాలా ప్రణాళికలను సిద్ధం చేసుకున్నారు.

అక్కినేని వారు ఈ మధ్య కాలంలో వారి సినిమాలకు ప్రమోషన్స్ ఏ రేంజ్ లో చేస్తున్నారో ప్రత్యేకంగా చెప్పనక్కర్లేదు. ఫ్యామిలీ లో ఒక్కరు సినిమా చేసినా చాలు. అందరు బాద్యతగా ఫిల్ అవుతూ.. సినిమా స్థాయిని పెంచుతున్నారు. అయితే వీరికి తోడుగా ఇప్పుడు దగ్గుబాటి హీరో రానా కూడా కలిశాడు. సాధారణంగా రానా మంచి సినిమాలు వస్తే.. చాలా హెల్ప్ చేస్తుంటాడు. ఏ మాత్రం ఆలోచించకుండా టాలెంట్ ఉన్న వారి కోసం తన వంతు సాయంగా ప్రమోషన్స్ చేస్తుంటాడు. ఆ వర్క్ లో రానాకీ మంచి గుర్తింపు ఉంది. సోషల్ మీడియాలో కూడా రానా కి మంచి ఫాలోయింగ్ ఉంది. సో ఇప్పుడు రానా తన కజిన్ అఖిల్ కి కూడా హెల్ప్ చేయడానికి డిసైడ్ అయ్యాడు.

హలో సినిమా డిసెంబర్ 22న రిలీజ్ కాబోతోన్న సంగతి తెలిసిందే. అయితే సినిమా రెగ్యులర్ ప్రమోషన్స్ లో అఖిల్ పాల్గొనబోతున్నాడు. ముఖ్యంగా యూస్ఏ లో జరిగే కొన్ని మ్యూజిక్ షోలలో హలో సినిమాను ప్రమోట్ చేయనున్నారు. అయితే అఖిల్ తో పాటు రానా కూడా అక్కడికి వెళ్లనున్నడు. రానా వీలైనంత వరకు తన స్టైల్ లో హలో సినిమా రేంజ్ ని పెంచడానికి ప్రయత్నాలు చేయనున్నాడు. అంతే కాకుండా సోషల్ మీడియాలో కూడా రానా హలో సినిమా కోసం ప్రచారాలను చేయనున్నాడు. మొత్తానికి అఖిల్ తన సెకండ్ మూవీ కోసం చాలా సహాయాలనే అందుకుంటున్నాడు. మరి ఆ సహాయాలు ఎంత వరకు ఈ హీరోకు ఉపయోగపడతాయో తెలియాలంటే సినిమా రిలీజ్ వరకు ఆగాల్సిందే.