అలియాకు బాడీగార్డ్ గా మారిన ప్రియుడు

బాలీవుడ్ ల‌వ్ బ‌ర్డ్స్ అలియాభ‌ట్‌.. ర‌ణ్ బీర్ క‌పూర్ త్వ‌ర‌లో వివాహం చేసుకోబోతున్న విష‌యం తెలిసిందే. క‌త్రినా.. దీపిక‌ల‌తో బ్రేక‌ప్ త‌రువాత ర‌ణ్ బీర్ బాలీవుడ్ క్రేజీ హీరోయిన్ అలియాభట్ తో ప్రేమ‌లో మునిగితేలుతున్న విష‌యం తెలిసిందే. వీరి పెళ్లికి ఇరు కుటుంబాల పెద్ద‌లు ఎప్పుడో గ్రీన్ సిగ్న‌ల్ ఇచ్చేసినా ఈ జంట పెళ్లికి అప్పుడే ఏం తొంద‌ర లేదంటూ చెట్ట‌ప‌ట్టాలేసుకు తీరిగేస్తున్నారు. తాజాగా ర‌ణ్ బీర్ క‌పూర్ పుట్టిన రోజు వేడుక‌ల్ని హిస్టారిక‌ల్ సిటీ రాజ‌స్థాన్ లోని జోధ్ పూర్ లో జ‌రుపుకోవాల‌ని ర‌ణ్ బీర్‌.. ఆలియా క‌లిసి వెళ్లారు.

ముంబై నుంచి ఇటీవ‌ల అక్క‌డికి చేరుకున్న ఈ జోడీ సాయం కాలం సంధ్యా స‌మ‌యాన‌.. స‌న్ లైట్ ని ఎంజాయ్ చేస్తూ అహ్లాద‌క‌ర‌మైన వాతావ‌రణాన్ని ఎంజాయ్ చేసింది. అందుకు సంబంధించిన ఓ ఫొటోని కూడా అలియా సోష‌ల్ మీడియా ఇన్ స్టా వేదిక‌గా అభిమానుల‌తో పంచుకుని ర‌ణ్ బీర్ కి పుట్టిన రోజు శుభాకాంక్ష‌ల‌ని అందించింది కూడా. త‌ను షేర్ చేసిన ఫొటోకి `హ్యాపీ బ‌ర్త్ డే మై లైఫ్‌` అంటూ క్యాప్ష‌న్ ని కూడా ఇచ్చి ర‌ణ్ బీర్ త‌న స‌ర్వ‌స్వం అని క్లారిటీగా చెప్పేసింది.

ట్రిప్ ని ముగించుకుని ముంబై తిరుగి వ‌స్తున్న ఈ జంట‌కు జోధ్ పూర్ ఏయిర్ పోర్ట్ లో అభిమానుల తాకిడి ఎదురైంది. అలియా వ్య‌క్తిగ‌త సిబ్బంది వున్నా కూడా వారిని కంట్రోల్ చేయ‌డం వారి వ‌ల్ల‌ కాలేదు. దీంతో అలియాని ప్రొటెక్ట్ చేయ‌డం కోసం హీరో ర‌ణ్ బీర్ ఆమెకు బాడీగార్డ్ గా మారాల్సి వ‌చ్చింది. ఇందుకు సంబంధించిన దృశ్యాలు నెట్టింట వైర‌ల్ గా మారాయి.

విలాసాల‌ రిసార్టులో కాస్ట్ లీ సెల‌బ్రేష‌న్స్..!

రాజస్థాన్- జోద్ పూర్ లోని ఓ కాస్ట్ లీ రిసార్ట్ లో ర‌ణ‌బీర్- ఆలియా సెల్రేష‌న్ ఇప్పుడు హాట్ టాపిక్ అవుతోంది. ఈ ట్రిప్ కోసం అత్యంత భారీ మొత్తాన్ని ఈ జంట ఖ‌ర్చు చేసింద‌ట‌. ఇంత‌కీ ఆ రిసార్ట్ పేరేమిటి? అంటే.. `సుజన్ జవాయి క్యాంప్‌` అని తెలిసింది. ఇందులో రణ్ బీర్- ఆలియా నైట్ సెల‌బ్రేష‌న్ ఎంతో జాలీగా సాగింద‌ట‌. అక్కడ ఒక్క రాత్రికే దాదాపు లక్షన్నరకు పైగా చెల్లించాల్సి ఉంటుంద‌ట‌. సాయం సంధ్య వేళలో ప్రియుడితో కలిసి చెరువుగట్టు మీద కూర్చుని భుజం మీద తల వాల్చిన ఆలియా ఫోటో ఆ రిసార్ట్ తాలూకా మ‌హిమేన‌ని తెలిసింది.

ప్ర‌స్తుతం ఆలియాభ‌ట్ .. సంజ‌య్ లీలా భ‌న్సాలీ రూపొందిస్తున్న `గంగుబాయి క‌తియా వాడీ`తో పాటు ర‌ణ్ బీర్ క‌పూర్‌.. కింగ్ నాగార్జున క‌లిసి న‌టిస్తున్న `బ్ర‌హ్మాస్త్ర‌`లోనూ అలియా న‌టిస్తోంది. ఈ మూవీకి అయాన్ ముఖ‌ర్జీ ద‌ర్శ‌క‌త్వం వ‌హిస్తున్నారు. ఇవి రెండూ రిలీజ్ కి రెడీ అవుతున్నాయి. వీటితో పాటు పాన్ ఇండియా మూవీ ఆర్.ఆర్.ఆర్ లో సీత పాత్ర‌లో ఆలియా న‌టిస్తోంది. రామ్ చ‌ర‌ణ్ స‌ర‌స‌న ఆలియా తొలిసారి జ‌త క‌డుతోంది. సంక్రాంతి 2022 బ‌రిలో ఆర్.ఆర్.ఆర్ రిలీజ‌య్యేందుకు ఆస్కారం ఉంద‌ని తెలిసింది. ర‌ణ‌బీర్ త‌దుప‌రి సందీప్ రెడ్డి వంగా ద‌ర్శ‌క‌త్వంలో యానిమ‌ల్ అనే చిత్రంలో న‌టిస్తున్నారు. అలాగే ప‌లువురు ద‌ర్శ‌కులు వినిపించిన భారీ బ‌డ్జెట్ సినిమాల్లో ర‌ణ‌బీర్ న‌టించేందుకు అవ‌కాశం ఉంద‌ని తెలిసింది. ఈ ఏడాది ర‌ణ‌బీర్ - ఆలియా పెళ్లి ఉంటుంద‌ని కూడా ఇప్ప‌టికే పుకార్ షికార్ చేస్తున్న సంగ‌తి తెలిసిందే.