రణ్ బీర్ డెడ్లి లుక్.. సందీప్ వంగా ఏం ప్లాన్ చేస్తున్నాడో?

అర్జున్ రెడ్డి దర్శకుడు సందీప్ రెడ్డి వంగా తన మొదటి సినిమాతోనే ఒక స్టార్ డైరెక్టర్ రేంజ్ లో గుర్తింపు అందుకున్నాడు. అతని ఇంటర్వ్యూలు చూసిన తర్వాత ఆలోచన విధానం కూడా అగ్ర దర్శకుల మాదిరిగా ఉండడంతో చాలా ఈజీగా గుర్తింపును సొంతం చేసుకున్నాడు. మనడిలో సత్తా ఉంది అని ఆ ఒక్క సినిమాతోనే చాలా క్లారిటీగా అర్థమయిపోయింది. ఇక అదే కథను బాలీవుడ్ లో రీమేక్ చేసి మరింత హై రేంజ్ లో సక్సెస్ అందుకున్నాడు.

అయితే ఇప్పుడు సందీప్ రెడ్డివంగా రెండవ సినిమాను ఎలా తెరపైకి తీసుకువస్తాడు అనేది ఆసక్తిగా మారింది. బాలీవుడ్ లోనే రణబీర్ కపూర్ తో అతను ఒక సినిమా చేస్తున్న విషయం తెలిసిందే. ఆ సినిమాకు ఎనిమల్ అనే టైటిల్ కూడా ఫిక్స్ చేశారు. అయితే ప్రస్తుతం ఈ సినిమా షూటింగ్ దశలో ఉండగా ఒక పోస్టర్ కూడా విడుదల చేయలేదు. ఇక ఇటీవల సినిమా సెట్స్ లోని ఒక ఫోటో అయితే బయటకు లీక్ అయింది.

అందులో రణ్ బీర్ కపూర్ చాలా సీరియస్ గా రక్తం అంటుకున్న చొక్కతో కనిపిస్తున్నాడు. చూస్తుంటే చాలా డెడ్లీ లుక్ తో ఉన్నాడు. దర్శకుడు ఏదో గట్టిగానే ప్లాన్ చేసినట్లు అర్థమవుతుంది. మొదటి సినిమా థాట్స్ ప్రకారమైతే అతని హీరో చాలా వైలెంట్ గా సీరియస్ గా ఉంటాడు అనిపిస్తోంది. చాలా ఎమోషనల్ లవ్ కూడా జత చేస్తూ ఉంటాడు.

కాబట్టి ఈ రెండవ కథలో కూడా ఆ ఇంటెన్స్ సీరియస్ ఎమోషన్ గట్టిగానే ఉండే అవకాశం లేకపోలేదు. సందీప్ రెడ్డి వంగ ఎనిమల్ సినిమాతోనే మరో రేంజ్ కు వెళ్లాలని అనుకుంటున్నాడు. ఒక రణబీర్ కపూర్ కూడా ఈ సినిమాతోనే సౌత్ లో మంచి క్రేజ్ అందుకోవాలని చూస్తున్నాడు.

ఒక విధంగా ఆ సినిమాను ఫ్యాన్ ఇండియా రేంజ్ కు తగ్గట్టుగానే విడుదల చేయాలని ప్లాన్ చేస్తున్నారు. కేవలం లీకైన ఫోటోతోనే సినిమాపై ఒకసారిగా ఫోకస్ పడిపోయింది. ఇక ఫస్ట్ లుక్ రిలీజ్ చేస్తే మరో రేంజ్ లో ఉంటుంది అని చెప్పవచ్చు. ఇక ఈ సినిమాను 2023 ఆగస్టులో విడుదల చేయాలని అనుకుంటున్నారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.