గుస‌గుస‌: కాపురానికి 'ముంద‌స్తు' ఏర్పాట్లా?

ఆర్.ఆర్.ఆర్ బ్యూటీ ఆలియా భ‌ట్‌ ల‌వ్ ఎఫైర్ గురించి తెలిసిందే. ఈ అమ్మ‌డు బాలీవుడ్ స్టార్ హీరో ర‌ణ‌బీర్ క‌పూర్ తో డీప్ ల‌వ్ లో ఉంద‌ని ప్ర‌చార‌మ‌వుతోంది. `బ్ర‌హ్మాస్త్ర` సెట్స్ లో ఈ ఇద్ద‌రూ ప్రేమ‌లో ప‌డ్డారు.. అటుపై క‌లిసి షికార్లు చేస్తున్నారు! అంటూ బాలీవుడ్ మీడియా ఒక‌టే ప్ర‌చారం హోరెత్తిస్తోంది. గ‌త ఏడాది కొత్త సంవ‌త్స‌ర వేడుక‌ల్ని ఆలియా భ‌ట్ క‌పూర్ ఫ్యామిలీతోనే జ‌రుపుకుంది. అందుకోసం ఏకంగా న్యూయార్క్‌ వెళ్లింది. ఆ త‌ర్వాత కూడా ఆ ఇద్ద‌రూ ఒక‌రినొక‌రు ముద్దులాడుకుంటున్న ఫోటోలు అంత‌ర్జాలంలో జోరుగా వైర‌ల్ అయ్యాయి. దీంతో ల‌వ్ బ‌ర్డ్స్ దొరికిపోయారు అంటూ ఒక‌టే ప్ర‌చారం వేడెక్కించింది.

తాజాగా ఈ జంట గురించిన మ‌రో ఆస‌క్తిక‌ర అప్ డేట్ తెలిసింది. ఈజోడీ పెళ్లికి ఇంకెంతో స‌మ‌యం లేదు. అందుకే ఇప్ప‌టినుంచి చాలా ముంద‌స్తుగా సొంత ఇంటి ప్ర‌వేశం కోసం ఏర్పాట్లు చేసుకుంటున్నార‌ని తెలుస్తోంది. నిన్న‌టిరోజున ఆలియా భ‌ట్ - ర‌ణ‌బీర్ జంట ఓ ఇంటీరియ‌ర్ డిజైనింగ్ సెంట‌ర్ నుంచి వ‌స్తూ కెమెరా కంటికి చిక్కారు. ముంబైలో ప్ర‌ఖ్యాత `త‌లాటి అండ్ పంథ‌కి అసోసియేటెడ్ డిజైన‌ర్స్` (టీపీఏ) కార్యాల‌యానికి వెళ్లి అక్క‌డ చాలా సేపు సంస్థ ప్ర‌తినిధుల‌తో మంత‌నాలు సాగించి ఆ ఇద్ద‌రూ బ‌య‌ట‌కు వ‌స్తున్న‌ప్పుడు కెమెరా ఫ్లాష్ ల‌కు చిక్కారు. దాంతో ప్ర‌స్తుతం ఆ ఫోటోలు అంత‌ర్జాలంలో జోరుగా వైర‌ల్ అవుతున్నాయి. ఇంత‌కీ ఈ జంట సొంత అపార్ట్ మెంట్ కొనుక్కున్నారా? లేదా.. అంటే ఇంకా లేదు. కొనేందుకు ప్లాన్ లో ఉన్నారు. ప్ర‌స్తుతం సెర్చింగ్ లో ఉన్నార‌ని తెలుస్తోంది.

కొత్త జంట కొత్త ఇంట్లో కాపురం పెడితే శుభం అంటారు. విరాట్ కోహ్లీ- అనుష్క శ‌ర్మ జంట ఇదే తీరుగా పెళ్లి కి ముందే ఇల్లు కొనుక్కుని ఆ త‌ర్వాత కొత్త ఇంట్లోకి షిప్ట‌యిన సంగ‌తి తెలిసిందే. అందుకే ఇలా చాలా ముందే ముంద‌స్తు ఆలోచ‌న‌తో ర‌ణ‌బీర్ - ఆలియా జోడీ అన్ని ఏర్పాట్లు చేసుకుంటున్నార‌ని అభిమానులు ఆనందం వ్య‌క్తం చేస్తున్నారు. కొత్త జంట‌.. కొత్త ఇల్లు.. ఇంత‌కీ ఏ పెయింట్ వేస్తున్నారో?