మాజీ లవర్‌ తో తమాషా లిప్‌ కిస్‌

అమీర్-క‌రిష్మా క‌పూర్ జంట రాజా హిందూస్థానీ సినిమా కోసం లిప్‌ లాక్‌ లు వేసిన‌ప్పుడు .. ఈ రేంజు పెద‌వి ముద్దులు ఇక భ‌విష్య‌త్‌ లో చూడ‌గ‌ల‌మా? అంటూ సందేహించారు జ‌నం. బాలీవుడ్‌ లో ముద్దుల హీరోగా అద‌ర‌గొట్టేయ‌డం అమీర్‌ కే చెల్లింది. ఆ క్ర‌మంలోనే ఇమ్రాన్ హ‌స్మి తెర‌పైకి దూసుకొచ్చి అన్ని రాకార్డుల్ని తుడిచేశాడు. బాలీవుడ్‌ లో ఏ-1 ముద్దుల రాజాగా పాపుల‌ర్ అయ్యాడు.

అదే సౌత్ వ‌ర‌కూ వ‌స్తే ఇక్క‌డ విల‌క్ష‌ణ న‌టుడు క‌మ‌ల్‌ హాస‌న్ మాత్ర‌మే అలాంటి సాహ‌సాలు చేసే హీరోగా పాపుల‌ర్ అయ్యారు. మ‌రి వీళ్లంద‌రికీ ముచ్చెమ‌ట‌లు ప‌ట్టించే మ‌రో ముద్దుల రాజా వ‌చ్చాడిప్పుడు. ఇప్పుడు ఉత్త‌రాది - ద‌క్షిణాది అనే తేడా లేకుండా - అస‌లు పెద‌వి ముద్దుల్లో ఇప్ప‌టివ‌ర‌కూ ఉన్న‌ రికార్డుల‌న్నిటినీ తుడిచేసే ఓ కొత్త కుర్రాడు వ‌చ్చాడు. అమ్మాయిల్లో విప‌రీత‌మైన ఫాలోయింగ్ ఉన్న ఈ కుర్రాఢెవ‌రో మీక్కూడా తెలుసు. పేరు ర‌ణ‌బీర్ క‌పూర్‌. చాక్లెట్‌ బోయ్ - ల‌వ‌ర్‌ బోయ్‌. కానీ ఇప్పుడు ముద్దుల బోయ్‌.

ర‌ణ‌బీర్‌ త‌న మాజీ ల‌వ‌ర్ దీపిక ప‌దుకొన్‌ తో ప్ర‌స్తుతం ఓ సినిమా చేస్తున్నాడు. త‌మాషా అనేది టైటిల్‌. ఈ టైటిల్ కి త‌గ్గ‌ట్టే ఈ సినిమాలో చాలా త‌మాషా ఉంది. పెద‌వి ముద్దుల్లో ర‌ణ‌బీర్ చేసిన త‌మాషా ప్ర‌స్తుతం సెన్సార్ బృందాన్ని ప‌ట్టి కుదిపేసింది. ఇలాంటి లిప్‌ లాక్‌ లు మా జీవితంలోనే చూడ‌లేదు. రాజా హిందూస్తానీలో అమీర్ - క‌రిష్మా పెద‌వి ముద్దుల్ని మించిపోయాయ్‌. అయినా సినిమా బావుంది. జోడీ బావుంది. కెమిస్ర్టీ అంత‌కుమించి బావుంది. సినిమా హిట్టే అంటూ కితాబిచ్చారుట‌. దీన్నిబ‌ట్టి ర‌ణ‌బీర్ ది బెస్ట్ లిప్ లాక‌ర్ అని ఫిక్స‌యిపోవాల్సిందే మ‌రి!