బ్రేకప్ జంట.. చుక్కలు చూపించేస్తున్నారు

బాలీవుడ్ యంగ్ హీరో రణబీర్ కపూర్.. కత్రినా కైఫ్ లు జంటగా రూపొందుతున్న మూవీ జగ్గా జాసూస్. ఈ సినిమా షూటింగ్ ఎప్పుడు మొదలైంది అని అడిగితే.. ఈ హీరో హీరోయిన్లు కూడా టక్కున చెప్పలేరు. అంతకాలం గడిచిపోయిందన్న మాట. ఇంకా జగ్గా జాసూస్ విడుదల కాకపోవడానికి కారణం.. వీరిద్దరి లవ్ స్టోరీ బెడిసికొట్టడమే అని తెలుస్తోంది.

నిజానికి రణబీర్- కత్రినాల మధ్య టెర్మ్స్ బాగున్నపుడే జగ్గా జాసూస్ స్టార్ట్ అయినా.. తర్వాత రియల్ లైఫ్ లో తేడాలొచ్చాయి. ఈ డిఫరెన్సులు సినిమా షూటింగ్ పై కూడా గట్టిగానే ఎఫెక్ట్ చూపాయి. షూటింగ్ సాగీ సాగీ సాగుతూనే ఉంది. వీరిద్దరూ షూటింగ్ కి సహకరించకపోవడంతోనే ఇంత లేట్ అవుతోందనే విషయంలో డౌట్స్ పెట్టుకోనక్కర్లేదు. ప్రొఫెషనల్స్ కాబట్టి ఎలాగైనా పూర్తి చేసేస్తారనే ఆశతో ఉన్నాడట నిర్మాత సిద్ధార్ధ రాయ్. కానీ వీళ్ల వాలకం మాత్రం అలాగేం కనిపించడం లేదని అంటున్నారు.

సినిమా పూర్తి చేయడానికే ఇన్ని తిప్పలు పెడితే.. రేపు ప్రమోషన్స్ నాటికి మరెన్ని కష్టాలు పడాల్సి వస్తుందో అనుకుంటున్నాడట ఈ ప్రొడ్యూసర్. ఇప్పటికే కోట్ల కొద్దీ బిజినెస్ కూడా కంప్లీట్ చేసేయడంతో.. రణబీర్-కత్రినాలు ఇద్దరినీ బతిమిలాడుకుంటున్నాడట. మరి ఈ బ్రేకప్ జంట ప్రొఫెషనల్ గా వ్యవహరిస్తారో.. పర్సనల్ క్లాష్ తో సినిమాని దెబ్బ తీస్తారో!!