ఏంటీ ఒక్క సినిమాలో 29 పాటలా?

ఇండియన్ మూవీస్ లో పాటలు కూడా ఒక భాగం. కనీసం ఐదారు పాటలు లేకుండా సినిమాని ఊహించుకోలేం. కాన్సెప్ట్ ప్రకారం ఒకట్రెండు తగ్గడమో పెరగడమో జరుగుతూ ఉంటుంది. అప్పుడప్పుడూ అసలు పాటలు లేకుండా సినిమాలు తీసే ప్రయోగాలు కూడా జరిగాయి.

కానీ త్వరలో రిలీజ్ కాబోతోన్న బాలీవుడ్ మూవీ జగ్గా జాసూస్ లో ఏకంగా 29 పాటలు ఉంటాయట. ఈ మాట వినగానే షాక్ తినేయడం ఖాయం. పాటకో 3 నిమిషాలు టైం వేసుకున్నా.. కనీసం గంటన్నర పాటు సినిమాలో పాటలే ఉంటాయన్న మాట. ఈ విషయాన్ని స్వయంగా సంగీత దర్శకుడు ప్రీతమ్ వెల్లడించాడు. ఇండియన్ ఫిలిం హిస్టరీలోనే ఇదో మ్యూజికల్ అడ్వంచర్ అంటూ కితాబు కూడా ఇచ్చేశాడు. మరి 29 పాటలకు రియాక్షన్ ఎలా ఉంటుందో ప్రేక్షకులే చెబుతారు.

మాజీ ప్రేమ జంట అయిన రణబీర్ కపూర్-కత్రినా కైఫ్ లు ఈ మూవీలో కలిసి నటిస్తుండడమే.. జగ్గా జాసూస్ కి అసలు సిసలైన అట్రాక్షన్. ఇక స్టోరీ విషయానికి వస్తే.. డిటెక్టివ్ గా పని చేసే ఓ కుర్రాడు.. మిస్ అయిన తన తండ్రిని వెతుక్కుంటూ వెళ్లినపుడు ఎలాంటి ప్రమాదాలను ఎదుర్కున్నాడు.. ఎలాంటి సాహసాలు చేశాడన్నదే తమ చిత్ర కథ అని చెబుతున్నారు జగ్గా జాసూస్ మేకర్స్.

Like Us on Facebook : https://www.facebook.com/Tupakidotcom/