డైరెక్ట‌ర్‌ కు లిప్ కిస్ ఇచ్చిన హీరో

రీల్ లో కిస్సులు మామూలే. ఈ మ‌ధ్య‌న మారిన ప‌రిస్థితుల‌కు త‌గ్గ‌ట్లుగా కాస్తంత హాట్ ముద్దుల్ని ఇచ్చేస్తున్నారు. డిజిట‌ల్ ప్ర‌పంచంలో హాట్ ముద్దుల్ని ఆ మాత్రం యాక్సెప్ట్ చేయ‌క‌పోవ‌టం ఏమిట‌న్న‌ట్లుగా బాలీవుడ్ తీరు ఉంటుంది. అందుకే.. మిగిలిన వుడ్ ల‌తో పోలిస్తే.. ముద్దుల తీవ్ర‌త బాలీవుడ్ లో ఎక్కువ‌.

రీల్ మీద ముద్దుల విష‌యాన్ని ప‌క్క‌న పెడితే.. ఓపెన్ గా అంద‌రూ చూస్తుండ‌గా.. డైరెక్ట‌ర్ మీద త‌న‌కున్న ప్రేమ‌ను బాహాటంగానే ప్ర‌ద‌ర్శించారు బాలీవుడ్ హీరో ర‌ణ్ బీర్ క‌పూర్‌. అయ్య‌గారి తాజాగా న‌టించిన చిత్రం జ‌గ్గు జాసూస్‌. ఈ వారంలోనే జ‌గ్గా జాసూస్ చిత్రం విడుద‌ల కానుంది. దీంతో సినిమా ప్ర‌మోష‌న్ కార్య‌క్ర‌మాన్ని తాజాగా మొద‌లెట్టారు.

తాజాగా నిర్వ‌హించిన ప్ర‌మోష‌న్ కార్య‌క్ర‌మంలో చిత్ర హీరో ర‌ణ్ బీర్ క‌పూర్‌.. హీరోయిన్ క‌త్రినాకైఫ్.. ద‌ర్శ‌కులు అనురాగ్ బ‌సు త‌దిత‌రులు హాజ‌ర‌య్యారు. కార్య‌క్ర‌మం జ‌రుగుతున్న స‌మ‌యంలో ఏమైందో ఏమో కానీ.. ఉన్న‌ట్లుండి అంద‌రూ చూస్తుండ‌గానే ద‌ర్శ‌కుడికి లిప్ కిస్ ఇచ్చేశారు. అంత పెద్ద హీరో.. చిత్ర ద‌ర్శ‌కుడికి లిప్ కిస్ ఇచ్చేయ‌టంతో.. ఒక్క‌సారిగా అంద‌రూ షాక్ తిన్నారు.

ద‌ర్శ‌కుల‌కు లిప్ కిస్ ఇవ్వ‌టం ర‌ణ్ బీర్ కు మామూలే. గ‌తంలో త‌న బ‌ర్ఫీ సినిమా టైంలోనూ ద‌ర్శ‌కుడు అనురాగ్ బ‌సుకు లిప్ కిస్ ఇచ్చేసి సంచ‌ల‌నం సృష్టించారు. తాజాగా మ‌రోసారి లిప్ కిస్ ఇచ్చేయ‌టం హాట్ టాపిక్ గా మారింది.

Like Us on Facebook : https://www.facebook.com/Tupakidotcom/