ప్లేబోయ్ తో ఛాన్స్ ద‌క్కింది కానీ!

సినిమా తర్వాత సినిమా చేసినంత సులువుగా.. గాళ్ ఫ్రెండ్స్ ని మార్చేయ‌డం ర‌ణబీర్ అల‌వాటు. క‌పూర్ బోయ్ స్పీడ్ గురించి ప్ర‌త్యేకించి చెప్పాల్సిన పనే లేదు. ఇప్ప‌టికే ముగ్గురు క‌థానాయిక‌ల‌తో సీరియ‌స్ గా ల‌వ్ ఎఫైర్ సాగించాడు. దీపిక ప‌దుకొనే.. క‌త్రిన కైఫ్ లాంటి టాప్ రేంజ్ బ్యూటీస్ తో ఏళ్ల త‌ర‌బ‌డి ప్రేమాయ‌ణం సాగించిన ఈ చాక్లెట్ బోయ్ ఆ త‌ర్వాత ఆ ఇద్ద‌రికీ బ్రేకప్ చెప్పాడు. ఇంత‌కాలానికి కుదురుగా కుదురుకుంటున్న‌ట్టే క‌నిపిస్తోంది. ర‌ణ‌బీర్ ప్ర‌స్తుతం కుర్ర‌బ్యూటీ ఆలియాతో నిండా ప్రేమ‌లో మునిగి ఉన్నాడు.

అంతేకాదు.. ఆలియాతో క‌లిసి వ‌రుస‌గా సినిమాలు చేస్తున్నాడు. ప్ర‌స్తుతం బ్ర‌హ్మాస్త్ర చిత్రంలో న‌టించాడు. ఆ త‌ర్వాత ఆలియాకి త‌న స‌ర‌స‌న అవ‌కాశాలిస్తున్నాడు. ఈలోగానే మ‌రో ముద్దుగుమ్మ‌కు ర‌ణ‌బీర్ స‌ర‌స‌న జాక్ పాట్ త‌గిలింది. ఇంత‌కీ ఎవ‌రా ముద్దుగుమ్మ‌? అంటే టాలీవుడ్ కి బాగా సుప‌రిచిత‌మైన శ్ర‌ద్ధా క‌పూర్. ఈ భామ ఇంత‌కుముందు డార్లింగ్ ప్ర‌భాస్ స‌ర‌స‌న సాహో చిత్రంలో న‌టించిన సంగ‌తి తెలిసిందే. త‌దుప‌రి స్ట్రీట్ డ్యాన్స‌ర్ 3డి చిత్రంతో కొత్త సంవ‌త్స‌రంలో కొత్త‌గా ట్రీటివ్వ‌బోతోంది. ఇందులో వ‌రుణ్ ధావ‌న్ స‌ర‌స‌న న‌టిస్తోంది. ఈలోగానే కొత్త సంవ‌త్స‌రం రాక‌ముందే మ‌రో స్వీట్ న్యూస్ చెప్పింది శ్ర‌ద్ధా. చాక్లెట్ బోయ్ ల‌వ‌ర్ బోయ్ ర‌ణ‌బీర్ సర‌స‌న ఈ బ్యూటీ జాక్ పాట్ కొట్టేసిందిట‌.

ర‌ణ‌బీర్ క‌థానాయ‌కుడిగా ల‌వ్ రంజ‌న్ దర్శ‌క‌త్వం వ‌హించే క్రేజీ చిత్రంలో శ్ర‌ద్ధా నాయిక‌గా ఎంపికైంది. ఈ విష‌యాన్ని త‌నే స్వ‌యంగా సోష‌ల్ మీడియాలో వెల్ల‌డించింది. ప్యార్ కా పంచ‌నామా లాంటి సెటైరిక‌ల్ కామెడీ చిత్రాన్ని తెర‌కెక్కించిన ల‌వ్ రంజ‌న్ పేరు బాలీవుడ్ లో మార్మోగుతోంది. ర‌ణ‌బీర్- శ్ర‌ద్ధా జోడీతో అత‌డు క్రేజీగా చిత్రాన్ని ప్లాన్ చేస్తుండ‌డం హాట్ టాపిక్ గా మారింది. 2021 మార్చి 26న ఈ చిత్రం రిలీజ్ కానుంది. ల‌వ్ రంజ‌న్- అంకుర్ గార్గ్ ఈ చిత్రాన్ని నిర్మిస్తున్నారు. తాజా ఆఫ‌ర్ గురించి శ్ర‌ద్ధా ఎంతో ఎగ్జ‌యిట్ అవుతూ.. అమితానందం వ్య‌క్తం చేసింది. తొలిసారి ర‌ణ‌బీర్ స‌ర‌స‌న న‌టిస్తున్నందుకు అభిమానులు సైతం శ్ర‌ద్ధాకి విషెస్ చెబుతున్నారు. అంతా బాగానే ఉంది కానీ.. శ్ర‌ద్ధా కొంచెం కేర్ ఫుల్ గా ఉండాల‌ని సూచిస్తున్నారు కొంద‌రైతే!!