'మహానటి'ని ముద్దాడే అవకాశం నితిన్ కి దక్కిందా..?

నితిన్ ఈ ఏడాది ప్రారంభంలో 'భీష్మ' సినిమాతో సూపర్ హిట్ అందుకున్నాడు. భీష్మ తర్వాత నుండి నుండి వస్తోన్న మరో ఎంటర్టైనర్ 'రంగ్ దే'. ఈ సినిమాను వెంకీ అట్లూరి తెరకెక్కిస్తున్న ఈ చిత్రాన్ని సితార ఎంటర్టైన్మెంట్స్ పతాకంలో సూర్యదేవర నాగవంశీ నిర్మిస్తున్నారు. వెంకీ అట్లూరి గతంలో వరుణ్ తేజ్ హీరోగా 'తొలిప్రేమ', అఖిల్ అక్కినేని హీరోగా 'మిస్టర్ మజ్ను' చిత్రాలకు దర్శకత్వం వహించాడు. 'రంగ్ దే' సినిమాలో నితిన్ సరసన మొదటిసారి 'మహానటి' కీర్తి సురేష్ నటిస్తుంది. ఈ సినిమా దాదాపు షూటింగ్ పూర్తిచేసుకుంది. కాగా నితిన్ పుట్టిన రోజు సందర్భంగా ఈ చిత్రానికి సంబంధించిన ఫస్ట్ లుక్ పోస్టర్ మరియు మోషన్ పోస్టర్లను విడుదల చేసారు. ఈ మేరకు చిత్ర నిర్మాతలు సోషల్ మీడియా వేదికగా ప్రకటన చేశారు.

అందులో భాగంగా 'రంగ్ దే‌' సినిమాకు సంబందించి ఫస్ట్ లుక్ ఈ సాయంత్రం 4:05 నిమిషాలకు చిత్రబృందం విడుదల చేసింది. నితిన్, కీర్తి సురేష్ కలిసి ఉన్న ఈ పోస్టర్ రిలీజైన కొద్దీసేపటికే మంచి స్పందనతో వైరల్ గా మారింది. సితార ఎంటర్టైన్మెంట్స్ పతాకంలో సూర్యదేవర నాగవంశీ ఈ చిత్రాన్ని నిర్మిస్తుండగా, ప్రముఖ మ్యూజిక్ డైరెక్టర్ దేవిశ్రీ ప్రసాద్ సంగీతం అందిస్తున్నాడు. ప్రఖ్యాత కెమెరామెన్ పీసీ శ్రీరామ్ ఈ సినిమాకు సినిమోటోగ్రఫర్ గా పని చేస్తున్నారు. ఈయన గతంలో నితిన్ నటించిన 'ఇష్క్' చిత్రానికి కూడా తన కెమెరామెన్ గా పని చేసారు. నితిన్ 'భీష్మ' చిత్రాన్ని నిర్మించిన సంస్థే ఈ 'రంగ్ దే' చిత్రాన్ని కూడా నిర్మిస్తుండడంతో ఈ సినిమాపై మంచి అంచనాలున్నాయి. ఇదిలా ఉండగా వచ్చే నెలలో జరగబోయే తన పెళ్లి వేడుకను వాయిదా వేసుకుంటున్నట్లు నితిన్ ప్రకటించాడు. అంతేకాకుండా ఈ నెల 30న జరగబోయే తన పుట్టిన రోజును కూడా సెలెబ్రేట్ చేసుకోవద్దని నితిన్ తన అభిమానులను కోరిన విషయం తెలిసిందే.