వీడియో: 'రంగ్ దే' నుంచి యూత్ ఫుల్ 'చూసి నేర్చుకో' సాంగ్..!

టాలీవుడ్ యూత్ స్టార్ నితిన్ - కీర్తి సురేష్ జంటగా నటిస్తున్న రొమాంటిక్ అండ్ ఫ్యామిలీ ఎంటర్టైనర్ ''రంగ్ దే''. వెంకీ అట్లూరి దర్శకత్వం వహిస్తున్న ఈ చిత్రాన్ని సితార ఎంటర్టైమెంట్స్ బ్యాన‌ర్‌ పై సూర్య‌దేవ‌ర నాగ‌వంశీ నిర్మిస్తున్నాడు. ఈ చిత్రాన్ని మార్చి 26న ప్రేక్షకుల ముందుకు తీసుకొస్తున్నారు. ఈ నేపథ్యంలో ప్రచార కార్యక్రమాలు నిర్వహిస్తున్న మేకర్స్.. రెగ్యులర్ గా అప్డేట్స్ ఇస్తూ సినిమాపై బజ్ క్రియేట్ చేస్తున్నారు. ఇప్పటికే విడుదల చేసిన టీజర్ మరియు సాంగ్స్ మంచి స్పందన తెచ్చుకున్నాయి. ఈ క్రమంలో 'చూసి నేర్చుకో' అనే వీడియో సాంగ్ ని చిత్ర యూనిట్ రిలీజ్ చేసింది.

'పొద్దున్నే లేవడాన్ని కోడిని చూసి నేర్చుకో..' అంటూ సాగిన ఈ సాంగ్ కి దేవిశ్రీప్రసాద్ ట్యూన్ సమకూర్చారు. దీనికి లిరిసిస్ట్ శ్రీమణి యూత్ ని ఆకట్టుకునే సాహిత్యం అందించగా.. డేవిడ్ సైమన్ తనదైన శైలిలో ఆలపించారు. ఇందులో నితిన్ స్టెప్స్ అలరిస్తున్నాయి. దీనికి గాయత్రీ రఘురామ్ - శేఖర్ మాస్టర్ కొరియోగ్రఫీ చేశారు. ఈ పాట పూర్తి లిరికల్ వీడియోని రేపు సాయంత్రం గం. 4.05 నిమిషాలకు విడుదల చేయనున్నారు. ఈ చిత్రానికి లెజెండరీ పీసీ శ్రీరామ్ సినిమాటోగ్రాఫర్ గా వ్యవహరించారు. నవీన్ నూలి ఎడిటింగ్ వర్క్ చేస్తున్నారు.