డుంగురు అంటూ రంగస్థలాన చెర్రీ చిందులు

మార్చ్ 30న రామ్ చరణ్ మూవీ రంగస్థలం వచ్చేస్తోంది. మరో 10 రోజులు మాత్రమే గ్యాప్ ఉండడంతో.. ప్రచారంలో ఏకొంచెం కూడా గ్యాప్ లేకుండా ఉండేలా జాగ్రత్త పడుతున్నారు యూనిట్. రంగస్థలం థియేట్రికల్ ట్రైలర్ లో ఒక్క పాటను కూడా చూపించని దర్శకుడు సుకుమార్.. రంగస్థలం టైటిల్ సాంగ్ ప్రోమోను రిలీజ్ చేశాడు.

'రంగా రంగా రంగస్థలాన' అంటూ సాగే ఈ పాట పక్కా విలేజ్ నేటివిటీకి అద్దం పట్టేలా ఉంది. పల్లెటూళ్లలో జరిగే తిరుణాళ్లు.. జాతర సందర్భంగా ఈ పాటను సెట్ ను చేసినట్లుగా ఉన్నారు. సంత.. జెయింట్ వీల్.. పెద్ద విగ్రహం వంటి అనేక ఎలిమెంట్స్ ఆకట్టుకుంటున్నాయి. ఆడియో పరంగా ముందే ఛార్ట్ బస్టర్ గా నిలిచిన ఈ పాట.. విజువల్ గా మరింత సూపర్బ్ గా ఉంది. ఇప్పటివరకూ ఈ పాటకు దేవిశ్రీ అందించిన సంగీతం అట్రాక్షన్ అని అందరూ భావించారు. కానీ ఆన్ స్క్రీన్ పైకి వచ్చేసరికి.. లుక్ అంతా మారిపోయింది.

ఎన్ని రకాల ఎలిమెంట్స్ ఆకర్షణీయంగా ఉన్నా.. ఈ పాటకు అసలు సిసలైన అట్రాక్షన్ మాత్రం తానే అనిపించేసుకున్నాడు మెగా పవర్ స్టార్. స్టెప్పులు ఇరగదీసేశాడు. డ్యాన్స్ విషయంలో తన టైమింగ్ ఎంత పర్ఫెక్ట్ అనే విషయాన్ని.. ప్రోమోలోనే చూపించాడు చరణ్. గోదారి తీరాన తీసిన ఈ పాట బిగ్ స్క్రీన్ పై మరింత అందంగా కనిపిస్తుందని అనడంలో సందేహం లేదు. రోజురోజుకు అంచనాలు పెంచేస్తున్న రంగస్థలంపై బజ్ పెరగడానికి.. టైటిల్ సాంగ్ ప్రోమో మరింతగా హెల్ప్ అవుతోంది

వీడియో కోసం క్లిక్ చేయండి