సుకుమార్ అడిగినా నో చెప్పిన రంగమ్మత్త

ఇండస్ట్రీలో చాలా కాలంగా కొనసాగుతూ వస్తున్న అనసూయకు జబర్దస్త్‌ ఎలా అయితే బుల్లి తెరపై బ్రేక్‌ తెచ్చిందో అదే విధంగా వెండి తెరపై ఆమెకు 'రంగస్థలం' సినిమా బ్రేక్‌ తెచ్చిన విషయం తెల్సిందే. రంగస్థలం సినిమాలోని రంగమ్మత్త పాత్ర వల్ల ఆమె కెరీర్‌ టర్న్‌ అయ్యింది. లేడీ ఓరియంటెడ్‌ సినిమాల్లో హీరోయిన్‌ గా కూడా ఆఫర్లు వస్తున్నాయి. అది అంతా కూడా సుకుమార్‌ వల్లే అనడంలో ఎలాంటి సందేహం లేదు. అలాంటి సుకుమార్‌ ఇచ్చిన మరో ఆఫర్‌ ను అనసూయ సున్నితంగా తిరష్కరించినట్లుగా సినీ వర్గాల్లో టాక్‌ వినిపిస్తుంది. ఇదే విషయమై కొందరు నెటిజన్స్‌ ఆమెను ట్రోల్‌ చేస్తున్నారు.

సుకుమార్‌ ప్రస్తుతం 'పుష్ప' సినిమాను చేస్తున్నాడు. ఆ సినిమాలో బన్నీ.. రష్మికతో పాటు అంతా కూడా కాస్త డీ గ్లామర్‌ గానే కనిపించబోతున్నారు అంటూ సమాచారం అందుతోంది. ఆ సినిమాలోని ఒక కీలక పాత్ర కోసం అనసూయను దర్శకుడు సుకుమార్‌ సంప్రదించాడు. సుకుమార్‌ ఆఫర్‌ అనగానే ఓకే అనుకున్నా కూడా డీ గ్లామర్‌ గా నటించాలని దర్శకుడు సుకుమార్‌ అడిగాడట.

డీ గ్లామర్‌ గా అది కూడా మేకప్‌ ఏమీ లేకుండా నటించాలని అడిగారట. తాను ఎప్పుడు కూడా మేకప్‌ లేకుండా బయట కనిపించాలని భావించడం లేదు అంటూ అనసూయ సున్నితంగా సుకుమార్‌ కు నో చెప్పిందట. పుష్ప సినిమాలోని ఆ పాత్ర కోసం సుకుమార్‌ టీం మరో లేడీని పట్టే పనిలో ఉన్నారు. సినిమా విడుదల తర్వాత అనసూయ వదులుకున్న ఆ పాత్ర కు ఎంత ప్రాముఖ్యత ఉందో తెలిసే అవకాశం ఉంది.