రెండో ట్రైలర్.. సినిమా అంతా సూపించేశారే

ఒక సినిమాకు రెండో ట్రైలర్ ఇవ్వడం చూసి ఎన్నేళ్లయిందో ఏమైనా గుర్తుందా? రెండు దశాబ్దాలకు పూర్వం ఈ ట్రెండ్ ఉండేది. సినిమా రిలీజ్ కి ముందు ఓ ట్రైలర్.. విడుదల తర్వాత కొన్ని వారాలకు మరో ట్రైలర్ ఇచ్చి.. జనాలను థియేటర్లను రప్పించేందుకు ఊరించేవారు. కానీ ఇప్పుడు రెండు వారాలు గడిచేసరికి సినిమాకి రన్ పూర్తయిపోతోంది. అందుకే రెండో ట్రైలర్ అన్న మాటే వినిపించడం లేదు.

కానీ రంగస్థలం విషయంలో మాత్రం రెండు వారాలు పూర్తయిన తర్వాత కూడా ఇంకా స్ట్రాంగ్ గా సినిమా రన్ అవుతోంది. కొత్త సినిమాలు కంటెంట్ పరంగా వీక్ గా ఉండడం కూడా.. రంగస్థలం కలిసొస్తోంది. ఇలాంటి సమయంలో రంగస్థలం సక్సెస్ మీట్ ను నిర్వహించడమే కాకుండా.. ఆ ఈవెంట్ లో ఈ చిత్రాన్ని మరో ట్రైలర్ ను కూడా విశేషం. చాలా ఏళ్ల తర్వాత ఇలా సెకండ్ ట్రైలర్ రిలీజ్ చేయడం అనే కాన్సెప్ట్ ఆకట్టుకుంది. అయితే.. మొదటి ట్రైలర్ ను కట్ చేసిన విధానానికి.. లేటెస్ట్ ట్రైలర్ కు చాలానే డిఫరెన్స్ ఉంది.

సింపుల్ గా చెప్పాలంటే.. సినిమా అంతటినీ 3 నిమిషాల ట్రైలర్ లో చూపించేశారు రంగస్థలం టీం. ఒకటి రెండు మినహా రంగస్థలంలోని కీలక సన్నివేశాలను.. దాదాపు అదే స్క్రీన్ ప్లేతో కట్ చేయడం మరీ విశేషం. ఫస్ట్ ట్రైలర్ లో చోటు దక్కించుకోలేకపోయిన రంగమ్మత్త పాత్రధారి అనసూయకు.. ఈ సారి మంచి ప్రాధాన్యత దక్కింది. రొమాంటిక్ అండ్ యాక్షన్ మోడ్ లో రంగస్థలం రెండో ట్రైలర్ ఉంది.

ట్రైలర్ చూడటానికి క్లిక్ చేయండి