#సామ్‌‌.. రంగ‌స్థ‌లం రామ‌ల‌క్ష్మిగా ప‌నికి రాద‌న్నారు!

కెరీర్ లో ఎన్నో గ్లామ‌ర‌స్ పాత్ర‌ల్లో న‌టించిన అందాల స‌మంత .. రంగ‌స్థ‌లంలో విలేజ్ గాళ్ రామ‌ల‌క్ష్మిగానూ న‌టించి మెప్పించిన సంగ‌తి తెలిసిందే. క్లాస్ మాస్ అనే తేడా లేకుండా అన్నివ‌ర్గాల ఆడియెన్ కి రామ‌ల‌క్ష్మి గా స‌మంత న‌ట‌న పిచ్చిగా న‌చ్చేసింది. ఓవైపు రంగ‌మ్మ‌త్త‌గా అన‌సూయ దుమారం కొన‌సాగుతున్నా.. రామ‌లక్ష్మిగా డీగ్లామ‌ర‌స్ విలేజీ అమ్మాయిగా స‌మంత కూడా ఎక్క‌డా త‌గ్గ‌లేదు. అయితే అలాంటి క్లాసిక్ రోల్ లో ఆఫ‌ర్ త‌న‌కు ద‌క్కాల్సింది కాద‌ని స‌మంత ఇంత‌కుముందే చెప్పింది.

అనుప‌మ లాస్ త‌న‌కు గెయిన్ అయ్యింద‌ని వెల్ల‌డించింది స‌మంత‌. మ‌రోసారి సామ్ జామ్ లోనూ ఈ సంగ‌తిని గుర్తు చేసింది. నిజానికి రంగస్థలం బృందం రామ లక్ష్మి పాత్ర‌ను త‌న‌కు ఆఫ‌ర్ చేయాల‌ని అనుకోలేద‌ట‌. కేవ‌లం సుకుమార్ ప‌ట్టుబ‌ట్టి న‌టింప‌జేశార‌ని కూడా తెలిపారు సామ్ .

రంగస్థలం లో రామ లక్ష్మిగా సమంతా తన కెరీర్లో మరపురాని పాత్రలలో ఒకటిగా నిలిచిపోయింది. రామ్ చరణ్ సరసన ఈ పాత్రను పోషించాల్సిన యంగ్ బ్యూటీ అనుపమ పరమేశ్వరన్ రేర్ ఛాన్స్ ని మిస్స‌యిపోయిన దుర‌దృష్ట జాత‌కురాలైంది.

సమంతా వంటి గ్లామరస్ హీరోయిన్ ను మోటైన స‌ర‌స‌మాడే గ్రామీణ యువ‌తి పాత్రలో అభిమానులు అంగీకరిస్తారా? అని సుకుమార్ దర్శకత్వ బృందంలోని అసిస్టెంట్ డైరెక్టర్లు అనుమానం వ్యక్తం చేసినట్లు సమంతా వెల్లడించింది. అయితే సుకుమార్ సమంతాపై నమ్మకం ఉంచాడు. మిగిలినది చరిత్ర.

రామలక్ష్మి పాత్ర ప్ర‌వ‌ర్త‌న‌ తీరుతెన్నులు వివ‌రించిన‌ప్పుడు తాను చాలా ఎగ్జ‌యిట్ అయ్యాన‌ని ఆ పాత్రలో న‌టించ‌డం చాలా సవాల్ గా నిలిచింద‌ని కూడా సామ్ తెలిపింది.