రంగస్థలం ప్రీమియర్స్.. చెర్రీకి రికార్డే

రామ్ చరణ్ మూవీ రంగస్థలం క్రేజ్ మామూలుగా లేదు. అన్ని ఏరియాల్లో అడ్వాన్స్ బుకింగ్స్ జోరు ఫుల్ స్వింగ్ లో ఉంది. ఓవర్సీస్ లో అయితే ప్రీమియర్ల హంగామా విపరీతంగా నడుస్తోంది. ముందుగా ప్లాన్ చేసుకున్న స్క్రీన్స్ అన్నీ.. దాదాపుగా ప్రీ బుకింగ్స్ తోనే నిండిపోవడంతో అడిషనల్ షోస్ ను టెలికాస్ట్ చేయాల్సిన పరిస్థితి నెలకొంది.

ప్రీ బుకింగ్స్ లోనే దాదాపు 4 లక్షల డాలర్లను దాటిపోయాయి రంగస్థలం వసూళ్లు. షో టైం స్టార్ట్ అయ్యేనాటికి ఇవి రెట్టింపు వరకూ ఉండొచ్చని ట్రేడ్ జనాలు అంచనా వేస్తున్నారు. దీంతో ఇప్పుడు ప్రీమియర్స్ లో రామ్ చరణ్ మూవీ రంగస్థలం ఎక్కడ నిలుస్తుందనే ఆసక్తి కనిపిస్తోంది. యూఎస్ఏ ప్రీమియర్స్ లో బాహుబలి 4.59 మిలియన్ డాలర్స్ తో అల్లంత దూరంలో ఉంది. ఆ తర్వాతి స్థానంలో పవన్ కళ్యాణ్ అజ్ఞావాసి ఉండగా.. ఈ చిత్రం 1.51 మిలియన్ డాలర్లను ప్రీమియర్స్ రూపంలో రాబట్టింది. బాహుబలి ది బిగినింగ్ కు 1.39 మిలియన్ డాలర్లు ప్రీమియర్స్ ద్వారా వచ్చాయి.

4వ స్థానంలో ఉన్న మెగాస్టార్ ఖైదీ నంబర్ 150.. 1.29 మిలియన్ డాలర్లను రాబట్టింది. ఐదో ప్లేస్ లో ఉన్న మహేష్ బాబు స్పైడర్ 1 మిలియన్ డాలర్ల మార్క్ ను అందుకోగా.. ఆరవ స్థానంలో ఉన్న సర్దార్ గబ్బర్ సింగ్ 6.16 లక్షల డాలర్లను రాబట్టింది.

ఇప్పుడు రామ్ చరణ్ రంగస్థలం.. సర్దార్ గబ్బర్ సింగ్ ను దాటేయడం ఖాయంగా కనిపిస్తోంది. అయితే.. ఆ తర్వాత ఎంతవరకూ రాబట్టగలుగుతాడు అన్నదే ఆసక్తికరం. బాబాయ్ మూవీని దాటినా రంగస్థలం 6వ ప్లేస్ కే పరిమితం అవుతుంది. కానీ స్పైడర్ ను దాటి టాప్ 5 లోకి ఎంటర్ అవాలంటే మాత్రం 1 మిలియన్ డాలర్లను ప్రీమియర్స్ రూపంలోనే రాబట్టాలి. తొలి ప్రీమియర్ కి మంచి టాక్ వస్తే మాత్రం.. ఇదేమంత పెద్ద కష్టం కాకపోవచ్చని అంచనా. ఏదేమైనా ఈ నెంబర్లన్నీ చెర్రీకి మాత్రం రికార్డులే.