వైరల్‌ : నువ్వు ఎవరు ప్రశ్నకి స్టార్‌ హీరో సూపర్‌ రియాక్షన్‌

ఒక ఊరు రాజు మరో ఊరు బంట్రోతు అన్నట్లుగా సామెత ఉంది.. ఆ ఊర్లో హీరో అయినా... రాజు అయినా ఆ ఊరు వరకే.. పక్క ఊరుకు వెళ్తే ఆయన్ను కనీసం గుర్తించే వారు ఉండరు. ఇప్పుడు అదే బాలీవుడ్ స్టార్‌ హీరో రణ్వీర్‌ సింగ్ కు జరిగింది. అబుదాబి లో జరుగుతున్న ఎఫ్‌ 1 రేసింగ్ చూసేందుకు రణ్వీర్‌ సింగ్‌ వెళ్లాడు.

ఒక హీరో అన్నట్లుగా.. స్టార్‌ సెలబ్రెటీ అన్నట్లుగా కాకుండా ఒక సాదారణ ప్రేక్షకుడి మాదిరిగా రణ్వీర్ అక్కడ సందడి చేశాడు. ఆ సమయంలో స్థానిక మీడియా ప్రతినిధి ఒకరు రణ్వీర్ సింగ్ వద్దకు వెళ్లి మీరు తెగ సందడి చేస్తున్నారు... మీరు ఎవరు ఎక్కడ నుండి వచ్చారు అంటూ ప్రశ్నించాడు.

ఆ ప్రశ్నకు రణ్వీర్‌ సింగ్ ఆశ్ఛర్యపోలేదు.. తాను ఇండియా నుండి వచ్చాను.. బాలీవుడ్‌ హీరోను.. నేను ఒక ఎంటర్‌ టైనర్‌ ను అంటూ చెప్పుకొచ్చాడు. బాలీవుడ్‌ లో స్టార్‌ హీరోగా వరుసగా సినిమాలు చేస్తున్న రణ్వీర్‌ సింగ్‌ అక్కడ తనను తాను పరిచయం చేసుకోవాల్సి వచ్చినందుకు ఇబ్బంది పడకుండా పరిచయం చేసుకోవడం అభినందనీయం.

రణ్వీర్‌ సింగ్ యొక్క రియాక్షన్ ను ప్రతి ఒక్కరు కూడా అభినందిస్తున్నారు. ఆ సమయంలో కొందరు అసహనం వ్యక్తం చేస్తారు. నేను తెలియదా అన్నట్లుగా పొగరుగా మాట్లాడే అవకాశం ఉంది. కానీ రణ్వీర్‌ సింగ్‌ మాత్రం చాలా కూల్ గా తాను ఒక హీరోను.. ఎంటర్‌ టైనర్‌ ను అని చెప్పడం నిజంగా అభినందనీయం.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.