రామ్ చ‌ర‌ణ్ తో ర‌ణ్ వీర్ డైరెక్ట‌ర్!

'జంజీర్‌' త‌రువాత రామ్ చ‌ర‌ణ్ బాలీవుడ్ లో సినిమా చేయాల‌నే ప్ర‌య‌త్నాల‌ని విర‌మించుకున్న విష‌యం తెలిసిందే. భారీ అంచనాల మ‌ధ్య విడుద‌లైన ఈ మూవీ హిందీతో పాటు తెలుగులోనూ భారీ డిజాస్ట‌ర్ గా నిలిచింది. అంతే కాకుండా ఈ మూవీని, చ‌ర‌ణ్ ని బాలీవుడ్ మీడియా దారుణంగా ట్రోల్ చేసింది. ఆ షాక్ తో చ‌ర‌ణ్‌ మ‌ళ్లీ బాలీవుడ్ లో సినిమా చేయాల‌నే ఆలోచ‌న చేయ‌లేదు. రీసెంట్ గా రాజ‌మౌళి అత్యంత ప్ర‌తిష్టాత్మ‌కంగా తెర‌కెక్కించిన 'RRR'తో రామ్ చ‌ర‌ణ్ పాన్ ఇండియా హిట్ ని ద‌క్కించుకున్న విష‌యం తెలిసిందే.

ఎన్టీఆర్ తో క‌లిసి చ‌ర‌ణ్ న‌టించిన ఈ మూవీ హిందీలోనూ సంచ‌ల‌నం సృష్టించ‌డం తెలిసిందే. వ‌ర‌ల్డ్ వైడ్ గా విడుద‌లైన ఈ మూవీతో రామ్ చ‌ర‌ణ్ పాపులారిటీ అమాంతం పెరిగిపోయింది. బాలీవుడ్ లోనూ ఈ మూవీ సంచ‌ల‌నాలు సృష్టించ‌డంతో ఇప్ప‌డు బాలీవుడ్ లో ఎవ‌రిని క‌దిలించినా చ‌ర‌ణ్ గురించే మాట్లాడుకుంటున్నారు. త‌న‌తో సినిమా చేయాల‌ని కొంత మంది ద‌ర్శ‌కులు చ‌ర‌ణ్ వెంట‌ప‌డుతున్నార‌ట‌.

రామ్ చ‌ర‌ణ్ 'RRR' త‌రువాత ద‌ర్శ‌కుడు శంక‌ర్ తో కలిసి త‌న 15వ ప్రాజెక్ట్ ని చేస్తున్న విష‌యం తెలిసిందే. కియారా అద్వానీ హీరోయిన్ గా న‌టిస్తున్న ఈ మూవీలోని మ‌రో కీల‌క పాత్ర‌లో అంజ‌లి న‌టిస్తుండ‌గా కోలీవుడ్ ద‌ర్శ‌కుడు ఎస్‌.జె. సూర్య ప‌వ‌ర్ ఫుల్ విల‌న్ గా క‌నిపింయ‌బోతున్నారు. ప్ర‌స్తుతం 'ఇండియ‌న్ 2' షూటింగ్ కార‌ణంగా శంక‌ర్ .. చ‌ర‌ణ్ ప్రాజెక్ట్ కి బ్రేకిచ్చాడు. త్వ‌ర‌లోనే ఈ మూవీ తాజా షెడ్యూల్ ప్రారంభం కానుంది.

ఈ ప్రాజెక్ట్ త‌రువాత చ‌ర‌ణ్ 'జెర్సీ' ఫేమ్ గౌత‌మ్ తిన్న‌నూరి డైరెక్ష‌న్ లో సినిమా చేయాల‌నుకున్నారు. యువీ క్రియేష‌న్స్ ఈ మూవీని చేయ‌చాల‌నుకుంది. కానీ తాజా స‌మీక‌ర‌ణాలు, RRR పాన్ ఇండియా హిట్ త‌రువాత చ‌ర‌ణ్ త‌న ప్లాన్ ని పూర్తిగా మార్చేసుకున్నాడ‌ని, ఇక‌పై అన్నీ భారీ స్థాయి సినిమాలు చేయాల‌నుకుంటున్నాడ‌ని, ఆ కార‌ణంగానే గౌత‌మ్ తిన్న‌నూరితో సినిమాని క్యాన్సిల్ చేసుకున్నాడ‌ని వార్త‌లు వినిపిస్తున్నాయి.

ఇదిలా వుంటే చ‌ర‌ణ్ తో సుకుమార్ ఓ సినిమాని చేయ‌బోతున్నారు. ఈ ప్రాజెక్ట్ కి సంబంధించిన చ‌ర‌ణ్ ఇంట్రడ‌క్ష‌న్ సీన్ ని ఇదివ‌ర‌కే సుకుమార్ షూట్ చేశాడ‌ని ఇటీవ‌లే ఆర్ట్ డైరెక్ట‌ర్ సాబు సిరీస్ బ‌యట పెట్టిన విష‌యం తెలిసిందే. ఈ నేప‌థ్యంలో సుకుమార్‌.. ది క‌శ్మీర్ ఫైల్స్ డైరెక్ట‌ర్ వివేక్ రంజ‌న్ అగ్నిహోత్రి, అభిషేక్ అగ‌ర్వాల్ ఆర్ట్స్ అధినేత అభిషేక్ అగ‌ర్వాల్ క‌లిసి ఓ ప్రాజెక్ట్ ని చేయ‌బోతున్నామంటూ ప్ర‌క‌టించ‌డంతో అంతా అవాక్క‌య్యారు. దీని గురించి ఇండ‌స్ట్రీలో చ‌ర్చ జ‌రుగుతున్న వేళ రామ్ చ‌రణ్ ఓ బాలీవుడ్ డైరెక్ట‌ర్ తో సినిమా చేయ‌బోతున్నాడ‌నే వార్త‌లు మొద‌ల‌య్యాయి.

యాక్ష‌న్ కామెడీ చిత్రాల‌కు బాలీవుడ్ లో కెరాఫ్ అడ్ర‌స్ గా నిలిచిన ద‌ర్శ‌కుడు రోహిత్ శెట్టి. ప్ర‌స్తుతం ర‌ణ్ వీర్ సింగ్ తో 'స‌ర్క‌స్‌' మూవీ చేస్తున్న రోహిత్ శెట్టి .. త‌ర్వ‌ర‌లో రామ్ చ‌ర‌ణ్ తో భారీ స్థాయిలో పాన్ ఇండియా మూవీ చేయాల‌నుకుంటున్నాడ‌ట‌. చ‌ర‌ణ్ ఏమంటాడో.. ఇంత‌కీ ఈ ప్రాజెక్ట్ నిజంగానే ప‌ట్టాలెక్కేనా అన్న‌ది తెలియాలంటే ఈ ప్రాజెక్ట్ పై అధికారిక ప్ర‌క‌ట‌న వ‌చ్చేంద వ‌ర‌న‌కు వేచి చూడాల్సిందే.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.