కండోమ్‌ యాడ్‌ కు గుడ్‌ బై చెప్పిన స్టార్‌ హీరో

బాలీవుడ్‌ లో ప్రస్తుతం స్టార్‌ హీరోగా వెలుగు వెలుగుతున్న హీరో రణ్‌ వీర్‌ సింగ్‌. వరుసగా విజయాలు దక్కించుకుంటూ వస్తున్న ఈయన ఇటీవలే బాలీవుడ్‌ స్టార్‌ హీరోయిన్‌ దీపిక పదుకునేను వివాహం చేసుకున్న విషయం తెల్సిందే. పెళ్లి తర్వాత రణ్‌ వీర్‌ కు రెండు సూపర్‌ హిట్స్‌ దక్కాయి. ప్రస్తుతం రణ్‌ వీర్‌ సింగ్‌ హీరోగా మంచి క్రేజ్‌ ను సంపాదించుకున్న నేపథ్యంలో అయిదు సంవత్సరాలుగా ప్రమోట్‌ చేస్తున్న కండోమ్‌ కంపెనీకి గుడ్‌ బై చెప్పేశాడు.

అయిదు సంవత్సరాల క్రితం హీరోగా కెరీర్‌ ప్రారంభించిన సమయంలో రణ్‌ వీర్‌ సింగ్‌ కండోమ్‌ యాడ్‌ ను చేసేందుకు కమిట్‌ అయ్యాడు. అప్పటి నుండి కూడా ఆ కంపెనీ కోసం యాడ్స్‌ లో నటిస్తున్నాడు. ఇప్పుడు ఆ కంపెనీకి గుడ్‌ బై చెప్పాడు. దీపిక పదుకునే కారణంగానే రణ్‌ వీర్‌ సింగ్‌ ఆ కంపెనీకి గుడ్‌ బై చెప్పాడు అంటూ పుకార్లు షికార్లు చేస్తున్నాయి. ఆమె ఒత్తిడి మేరకు తన కెరీర్‌ లో కీలకంగా ఉన్న కండోమ్‌ యాడ్‌ ను వదిలేశాడు అంటూ కొందరు ఆరోపిస్తున్నారు.

రణ్‌ వీర్‌ సింగ్‌ సన్నిహితులు మాత్రం సినిమా షూటింగ్స్‌ మరియు ఇతరత్ర కారణాల వల్ల ఆ కంపెనీకి ప్రమోట్‌ చేసే టైం లేక వదిలేసినట్లుగా చెబుతున్నారు. ప్రస్తుతం మూడు సినిమాలు చేస్తున్న రణ్‌ వీర్‌ సింగ్‌ ఇతర బ్రాండ్స్‌ కు మాత్రం ప్రమోటర్‌ గా కొనసాగుతున్నాడు. స్టార్‌ అయిన తర్వాత కండోమ్‌ యాడ్‌ లో కనిపిస్తే బాగోదని భావించాడో ఏమో రణ్‌ వీర్‌ సింగ్‌ ఈ నిర్ణయం తీసుకుని ఉంటాడు.