అతనికి రణ్‌వీర్ ముద్దులు.. ట్రోలింగ్ స్టార్ట్!

ఇటీవల కాలంలో సినీ తారలు ఏమాత్రం ఓవరాక్షన్ చేసిన కూడా సోషల్ మీడియాలో ఒక రేంజ్ లో ఆడుకుంటున్నారు. వారిపై ట్రోలింగ్ అయితే దారుణంగా వస్తున్నాయి. అందుకే సెలబ్రిటీలు కాస్త జాగ్రత్తగా ప్రవర్తించే ప్రయత్నం చేస్తున్నారు.

కానీ కొందరు మాత్రం లిమిట్స్ దాటి ప్రేక్షకులకు విసుగు తెప్పించే విధంగా ప్రవర్తిస్తూ తెలియకుండా ట్రోలింగ్ బారిన పడుతున్నారు. రీసెంట్ గా రణ్‌వీర్ సింగ్ కూడా అదే తరహాలో మరోసారి సోషల్ మీడియాలో హాట్ టాపిక్ గా మారిపోయాడు.

యూత్ లో మొదట్లో చాలా మంచి క్రేజ్ అందుకున్న రణ్‌వీర్ సింగ్ ఆ తర్వాత మెల్లగా ఫామ్ కోల్పోయాడు. మంచి నటుడైనప్పటికీ కూడా అతను కొన్నిసార్లు సినిమాలో ఓవరాక్షన్ చేస్తున్నాడు అనే నెగటివ్ కామెంట్స్ కూడా ఎక్కువగా వస్తున్నాయి.

ఇక రీసెంట్ గా అతనికి సంబంధించిన మరొక వీడియో సోషల్ మీడియాలో ట్రోలింగ్ బారిన పడింది. రణ్‌వీర్ సింగ్ ప్రముఖ ఓటీటీ సంస్థ నెట్ ఫ్లిక్స్ వారి 'వైల్డ్ విత్ బేర్ గ్రిల్స్' షోలో పాల్గొన్న విషయం తెలిసిందే.

రణ్‌వీర్ సింగ్ రాగానే బేర్ గ్రీల్స్ తీసిన విధానం అందరికీ ఆశ్చర్యాన్ని కలిగించింది అతన్ని ఏకధాటిగా గ్యాప్ లేకుండా ముద్దులు పెట్టి వింతగా ప్రవర్తించడంతో రణ్‌వీర్ సింగ్ పై సోషల్ మీడియాలో దారుణంగా ట్రోలింగ్ అయితే కొనసాగుతోంది. నెటీజన్స్ అతన్ని వివిధ రకాల కోణాల్లో పోలుస్తూ ఒకసారి వెళ్లే హాస్పిటల్ కు చూపించుకో అని కూడా సెటర్లు వేస్తున్నారు.

అంతేకాకుండా లైంగిక దాడి జరుపుతున్నాడు అని ఈ విషయంలో బేర్ గ్రీల్స్ అతనిపై పరువు నష్టం దావా కూడా వేయవచ్చు అని మరి కొంతమంది నెటీజన్స్ సలహాలు ఇస్తున్నారు. మరి ఈ ట్రోలింగ్ పై రణ్‌వీర్ సింగ్ ఏ విధంగా స్పందిస్తాడో చూడాలి. సినిమాల విషయానికి వస్తే ప్రస్తుతం రణవీర్ సింగ్ రోహిత్ శెట్టితో సర్కిస్ అనే సినిమా చేస్తున్నాడు. అలాగే అలియా భట్ తో కూడా 'రాకీ ఔర్ రాణి కి ప్రేమ్ కహానీ' అనే సినిమా చేయడానికి గ్రీన్ సిగ్నల్ ఇచ్చాడు.