రాందేవా దెబ్బ‌కు ఆ హీరోకు దిమ్మ‌దిరిగింది

పోయి పోయి రాందేవ్ బాబాతో పెట్టుకున్నాడు బాలీవుడ్ యంగ్ హీరో ర‌ణ్వీర్ సింగ్. ఏ కార్య‌క్ర‌మానికి వెళ్లినా అక్క‌డున్న వాళ్లంద‌రినీ కవ్వించ‌డం.. ఎంట‌ర్టైన్ చేయ‌డం.. అల్ల‌ర‌ల్ల‌రి చేయ‌డం ర‌ణ్వీర్ కు అల‌వాటు. తాజాగా ఒక కార్య‌క్ర‌మానికి రాందేవ్ బాబాతో క‌లిసి హాజ‌రైన ర‌ణ్‌ వీర్.. అక్క‌డా త‌న‌దైన శైలిలో అల్ల‌రి చేయ‌బోయాడు. రాం దేవ్ బాబాను ప‌ట్టుకుని త‌న‌తో క‌లిసి డ్యాన్స్ చేయాల‌ని స‌వాలు విసిరాడు.

ఆ త‌ర్వాత మొద‌లైంది అస‌లు సీన్. రాందేవ్ బాబా త‌న‌దైన యోగా విన్యాసాల‌తో ర‌ణ్ వీర్ కు దిమ్మ‌దిరిగిపోయేలా చేశాడు. త‌న యోగాస‌నాల్నే నృత్యంగా మార్చి ర‌ణ్వీర్ స‌హా కార్య‌క్ర‌మానికి హాజ‌రైన వాళ్లంద‌రికీ దిమ్మ‌దిరిగిపోయేలా చేశాడు. య‌మ స్పీడుగా విన్యాసాలు చేస్తూ.. ర‌ణ్వీర్ ను కూడా త‌న‌లా చేయ‌మ‌ని స‌వాలు విసిరాడు బాబా. ఆయ‌న వేగాన్ని అందుకోలేక ర‌ణ్వీర్ ఇబ్బంది ప‌డిపోయాడు.

బాబా విన్యాసాలు పూర్త‌య్యాక ఆయ‌న ముందు సాష్టాంగ ప‌డ‌ట‌మే కాక‌.. మీకో దండం అంటూ న‌మ‌స్కారం పెట్టేశాడు ర‌ణ్వీర్. ఆ ప్రాంగ‌ణ‌మంతా కూడా రాందేవ్ విన్యాసాల‌కు అబ్బుర‌ప‌డి ఆయ‌న్ని చ‌ప్ప‌ట్ల‌తో అభినందించింది. త‌న కొత్త సినిమా ‘బేఫిక‌ర్’ ప్ర‌మోష‌న్ల‌లో భాగంగా ర‌ణ్వీర్ ఈ కార్య‌క్ర‌మానికి హాజ‌ర‌య్యాడు. మామూలుగా అంద‌రినీ ఆట‌ప‌ట్టించే ర‌ణ్వీర్ ను త‌న విన్యాసాల‌తో బాబానే రివ‌ర్సులో ఆట‌ప‌ట్టించాడు.





Like Us on Facebook : https://www.facebook.com/Tupakidotcom/