ఫోటో స్టోరి: 5వ లిప్ కిస్సు నాయనో!!

ప్రతీ నెలా 9వ తారీఖున.. ఏదో కరెంటోళ్లు బిల్ కట్టమని చెప్పినట్లు.. ప్రైవేటు కంపెనీలు శాలరీలు ఇచ్చినట్టు.. గత నాలుగు నెలల నుండి ఇదే డేటుకి ఒక పోస్టర్ వచ్చిపడుతోంది. ఆ పోస్టర్ ను చూస్తుంటే బాలీవుడ్ ఉలిక్కిపడుతోంది.

అదిగో ప్రతీ నెలా రిలీజ్ అయినట్లే ఈ నెల కూడా ''బేఫికర్'' సినిమా కొత్త పోస్టర్ ఒకటి రిలీజైంది. ఇది కూడా యాజూజువల్ ఒక లిప్ కిస్ పోస్టరే. మొన్నటివరకు నాలుగు సార్లు రకరకాల బట్టల్లో.. వేర్వేరు ప్రదేశాల్లో.. రకరకాల భంగిమల్లో పెదాల ముద్దును లాగించేసిన హీరో రణవీర్‌ సింగ్.. అలాగే హీరోయిన్ వాణి కపూర్ ఇద్దరూ.. ఇప్పుడు హాటు మరోసారి 5వ పోస్టర్ మీద కూడా అలాగే ఓ పెదాల ముద్దు లాగించేశారు. కాకపోతే ఈసారి డోస్ కాస్త నార్మల్ గానే ఉందిలే. డిసెంబర్ 9న విడుదలవుతున్న ఈ సినిమాను కింగ్ ఆఫ్ రొమాంటిక్ లవ్ స్టోరీస్ గా పేరొందిన అదిత్య చోప్రా తెరకెక్కిస్తున్నాడు. ఆ లెక్కన చూస్తే మనకు మరో 3 పోస్టర్లతో ఇంకా విందు భోజనం పెడతాడనమాట.

ఏదేమైనా కూడా కూడా కేవలం పోస్టర్లతో ట్రెండింగ్ చేసేసి.. హైప్ సృష్టించి.. మతిపోగొట్టేయడం అనేది మనం బాలీవుడ్డోళ్ళ దగ్గరే నేర్చుకోవాలి. మన రాజమౌళి కొన్ని క్యారెక్టర్ల కోసం ఓ 10 బాహుబలి పోస్టర్లు రిలీజ్ చేస్తే.. వీళ్లు మాత్రం ఒకే ముద్దుతో ఇన్నేసి పోస్టర్లు వేస్తున్నారు.