న‌గ్నంగా న‌టిస్తా.. సిగ్గేం లేదు

ఇండియ‌న్ సినిమాల్లో హీరోయిన్ల న‌గ్న‌త్వం.. అర్ధ‌న‌గ్న‌త్వం గురించే చ‌ర్చ న‌డుస్తూ ఉంటుంది ఎప్పుడూ. ఈ మ‌ధ్య హీరోలు సైతం న‌గ్నావ‌తారం ఎత్తేస్తుండ‌టంతో వాళ్లు కూడా హాట్ టాపిక్ అవుతున్నారు. ముఖ్యంగా ఈ మ‌ధ్య ‘బేఫిక‌ర్’ సినిమా ట్రైల‌ర్లో ర‌ణ్వీర్ సింగ్ జ‌స్ట్ అండ‌ర్ వేర్ మీద క‌నిపిస్తూ హంగామా చేయ‌డం పెద్ద చ‌ర్చ‌నీయాంశ‌మైంది. ఐతే సినిమాల్లో అవ‌స‌ర‌మైతే పూర్తి న‌గ్నంగా క‌న‌పించ‌డానికి కూడా త‌న‌కేమీ అభ్యంత‌రం లేదంటున్నాడు ఈ యంగ్ హీరో. ఆ విష‌యంలో త‌న‌కు సిగ్గేమీ లేద‌ని అత‌ను ప్ర‌క‌టించాడు.

‘‘నేను ఎలా క‌నిపించ‌డానికైనా నా శరీరం కంఫర్టబుల్ గా ఉంటుంది. ఆ విషయంలో నేను ఏమాత్రం సిగ్గుపడను. నిజంగా చెప్పాలంటే పూర్తి నగ్నంగా నటించడం నాకేం పెద్ద విషయం కాదు. ఒక నటుడిగా ప్రేక్ష‌కుల‌కు అత్యంత చేరువ కావడానికి నేను ప్రయత్నిస్తాను. నా ఆత్మను మీముందు స్వచ్ఛంగా ఆవిష్కరించే ప్రయత్నం చేస్తాను. అంత కన్నా నగ్నత్వం ఏముంటుంది. దాంతో పోల్చుకుంటే భౌతిక నగ్వత్వం అన్న‌ది పెద్ద విష‌యం కాదు’’ అంటూ ఫిల‌సాఫిక‌ల్ స్పీచ్ ఇచ్చేశాడు ర‌ణ్వీర్ సింగ్. మామూలుగా హీరోయిన్లు హాట్ హాట్ గా క‌నిపిస్తార‌ని థియేట‌ర్ల‌కు వ‌చ్చే అబ్బాయిల‌ను చూస్తాం. ఐతే ర‌ణ్వీర్ సింగ్ హాట్ అవ‌తారం చూసేందుకు అమ్మాయిలూ థియేట‌ర్ల‌కు ప‌రుగులు పెట్టే ప‌రిస్థితి క‌నిపిస్తోంది. ‘బేఫిక‌ర్’ డిసెంబ‌రు 9న ప్రేక్ష‌కుల ముందుకు రానుంది.

Like Us on Facebook : https://www.facebook.com/Tupakidotcom/