సూపర్ స్టార్ కోసం ట్రైన్ స్పూఫ్‌

బాలీవుడ్ యంగ్ హీర్ రణవీర్ సింగ్ సినిమాల్లో యాక్టింగ్ ఇరగదీయడమే కాదు.. ఆఫ్ స్క్రీన్ లో బోలెడన్ని ఫన్నీ జోక్స్ వేస్తుంటాడు. ఇతగాడి ప్రాక్టికల్ జోక్స్ కి బోలెడంత డిమాండ్ కూడా ఉంటుంది. అలాగే స్పూఫ్ ల విషయంలో కూడా చాలా ఆరితేరిపోయాడు రణవీర్.

షారూక్ ఖాన్ ఎవర్ గ్రీన్ క్లాసిక్ మూవీ దిల్వాలే దుల్హనియా లేజాయేంగే మూవీలో క్లైమాక్స్ సీన్ లో వచ్చే ట్రైన్ సీన్ ని.. ఫన్నీగా ఇమిటేట్ చేద్దామని ప్రయత్నించాడు రణవీర్. ఇక్కడ ట్రైన్ లో ఉండి చెయ్యి చాచే షారూక్ రోల్ ని రణవీర్ సింగ్ చేస్తే.. పరిగెత్తుకుంటూ వచ్చి చెయ్యందుకునే కాజోల్ రోల్ ని.. డ్యాన్స్ మాస్టర్ గణేష్ ఆచార్య చేశాడు. అంతా బాగానే ఉంది కానీ.. భారీకాయుడైన గణేష్ ఆచార్య.. రణవీర్ చెయ్యి పట్టుకుని లాగగానే.. ట్రైన్ లోంచి ధబేల్ మని కింద పడిపోయాడు రణవీర్. అయినా సరే.. తన ప్రేమను చాటుతూ ఫ్లైయింగ్ కిస్ లు ఇస్తూనే ఉన్నాడు గణేష్ ఆచార్య.

స్పూఫ్ ఫెయిల్ అయినా నవ్వులు మాత్రం పూయించేసింది. అయితే కావాలనే ఇలా ఫెయిల్డ్ స్ఫూఫ్‌ గా చేసి.. షారూఖ్‌ పై తన అభిమానాన్ని చాటుకున్నాడు రణవీర్ సింగ్. ఇక సినిమాల విషయానికి వస్తే.. ప్రస్తుతం పద్మావతి చిత్రంలో నటిస్తున్నాడు రణవీర్. సంజయ్ లీలా భన్సాలీ డైరెక్షన్ లో తెరకెక్కుతున్న ఈ చిత్రంలో అల్లావుద్దీన్ ఖిల్జీ పాత్రను చేస్తున్నాడు ఈ యంగ్ స్టార్.