ఆమె చెప్తే 'యస్': రణవీర్ సింగ్

పెళ్ళి దాదాపు అందరూ చేసుకుంటారు. డోనాల్డ్ ట్రంప్ నుండి లిటిల్ మ్యాన్ కిమ్ ఉన్ జోంగ్ దాకా అందారూ. విదేశీ ఎగ్జాంపుల్స్ ఎందుకనుకుంటే అమితాబ్ బచ్చన్ నుండీ రణవీరు సింగ్ వరకూ అందరూ ఏడడుగులు వేసేవాళ్ళే.. ఏడు జన్మలు కలిసి ఉంటామని బాసలు చేసేవారే. కానీ అందరూ ఉండలేరు కదా. కొంతమంది ఒక్క ఏడాది కూడా ఉండలేరు.. కొంతమంది పదేళ్ళు. అంతే. అలాంటిది ఒక జన్మంతా భరించాలంటే ఎంతో ఓపిక ఉండాలి. లేదా ట్రిక్స్ తెలిసి ఉండాలి. మిగతా వాళ్ళకు ఆ ట్రిక్స్ తెలుసో లేదో గానీ నిన్నగాక మొన్న పెళ్ళి చేసుకున్న రణవీర్ సింగ్ కు మాత్రం బాగానే తెలుసు.

ఎదుకంటారా? మొన్న శనివారం ముంబైలోని గ్రాండ్ హయత్ లో దీప్-వీర్ జంట బాలీవుడ్ ప్రముఖులకు.. స్పోర్ట్స్.. బిజినెస్ రంగాల్లో ఉన్న ఫ్రెండ్స్ కు భారీ రిసెప్షన్ ఇచ్చారు. అక్కడ సింగు గారు సక్సెస్ ఫుల్ మ్యారేజికి సీక్రెట్ ను ఒక్క ముక్కలో తేల్చేశారు. "ఆమె చెప్పే ప్రతిదానికి యస్ అంటూ తలాడించడమేనట". నెలలోపే ఇలాంటి ఫిలాసఫీ ఒంటబట్టించుకున్నాడంటే.. ఎవరో సీనియర్లు గట్టిగా సలహాలు ఇస్తున్నట్టే ఉంది.

అమితాబ్ బచ్చన్.. షారూఖ్ ఖాన్.. కరిష్మా కపూర్..మలైకా అరోరా..వరుణ్ ధావన్.. ఎంఎస్ ధోని.. హృతిక్ రోషన్.. మాధవన్.. సారా అలీ ఖాన్.. లారా దత్తా.. మహేష్ భూపతి.. విద్యా బాలన్.. సిద్దార్థ్ రాయ్ కపూర్..విదు వినోద్ చోప్రా.. హేమ మాలిని.. భరత్ తఖ్తాని.. విక్కీ కౌశల్.. రేఖ.. రాధిక ఆప్టే.. జిమ్ సర్భ్.. కల్కి కోచ్లిన్.. టైగర్ ష్రాఫ్.. శిల్పా శెట్టి.. రాజ్ కుంద్రా.. ఇలా చెప్పుకుంటూ పోతే గెస్ట్ లిస్టు చాంతాడంత ఉంది.

అమితాబ్ ఈ ఫంక్షన్ లో 'జుమ్మా చుమ్మా' పాటకు స్టెప్స్ వేశారట.. షారూఖ్ - మలైకాలు ఛయ్యా ఛయ్యా సాంగు కు కాలు కదిపారట. యంగ్ హీరో వరుణ్ ధావన్ కూడా ఒక పాటకు డ్యాన్స్ వేశాడట. పార్టీ అంతా ఫుల్ హంగామా జరిగిందట.