ఫ్యాన్స్ తో ఫ్యాంట్ విప్పించిన తిక్క హీరో!

ఇప్పుడు మనం మాట్లాడుకోబోతున్న ఈ హీరోగారి తిక్కకు లెక్కలేదనుకోవాలో, లేక శృతిమించిన సృజనాత్మకత అనుకోవాలో తెలియడం లేదు కానీ... ప్రస్తుతానికైతే దీన్ని తిక్కపని అనే అంటున్నారు చాలామంది. ఇప్పటికే బాలీవుడ్ హీరో రణ్ వీర్ సింగ్ ఏం చేసినా కాస్త అతిగానే చేస్తున్నాడంట అని కామెంట్స్ వస్తున్న తరుణంలో తాజాగా చేసిన పని మాత్రం "అతి" కాదు, "తిక్క" కాదు... అంతకుమించే అనాలి! ఇంతకూ రణ్ వీర్ సింగ్ చేసిన ఆ పనేంటంటే... ఫ్యాన్స్ తో ఫ్యాంటు విప్పించడం.

వినడానికి నమ్మశక్యంగా లేకపోయినా, ఈ బాలీవుడ్ బాజీరావు చేసింది మాత్రం అదే. తాజాగా ముంబైలోని శివార్లలో ఒక దుకాణం ప్రారంభోత్సవానికి వెళ్లిన రణ్ వీర్ సింగ్... ఈ సందర్భంగా తనను చుట్టుముట్టిన అభిమానులతో పిచ్చాపాటీ మాట్లాడాడు. అదే సమయంలో అతనిని చుట్టుముట్టిన అభిమానుల్లో కొందరు అబ్బాయిలు మాత్రం తమ అభిమాన హీరో అయిన రణ్ వీర్ కోసం ఏమైనా చేస్తామని చెప్పారు. పాపం... వారికి తెలియకపోవచ్చు ఆ ఒక్క మాట ఎంతపనిచేస్తుందో అని!! ఆ ఒక్కమాటను పట్టుకున్న ఈ హీరోగారు... తనకోసం ఏదైనా చేస్తానంటున్నారు కదా, అయితే మీ మీ ఫ్యాంట్స్ విప్పండి అని అడిగాడు. వినడానికి అసహ్యంగా అనిపిస్తున్నా... కోరింది ఫేవరెట్ స్టార్ కావడంతో ఆ యువకులిద్దరూ నిజంగానే తమ ఫ్యాంట్స్ విప్పారు, ఫలితంగా ఈ రూపంలో తమ అభిమానాన్ని చాటుకున్నారు.

అక్కడితో అయిపోయిందనుకుంటే పొరపాటే... అలా ఫ్యాంట్స్ విప్పిన ఇద్దరు అబ్బాయిలను, ఫోటో జర్నలిస్టులతో కలిపి ఇంటర్వ్యూ చేశాడు ఈ బాలీవుడ్ హీరో. సరే తన హీరో అడిగాడని ఫ్యాంట్ విప్పాము కదా, తాము అడిగితే కనీసం షర్ట్ కూడా విప్పడా అనుకున్న ఆ అభిమానులు, రణ్ వీర్ ని తన షర్ట్ విప్పి కండలు చూపించమని అడిగారు. దీంతో సందిగ్దంలో పడిన హీరో... ఉదయం టిఫిన్ ఎక్కువగా తిన్నానని, బాడీ షేప్స్ సరిగ్గా లేవని చెప్పి సైడైపోయాడు. అయితే ఈ విషయంపై అత్యధికులు మాత్రం రణ్ వీర్ తిక్కకు లెక్కలేకుండా పోతుందని అనుకుంటున్నారు!!

Like Us on Facebook : https://www.facebook.com/Tupakidotcom/