మరదలితో తన బాండింగ్ గురించి బయటపెట్టిన రణవీర్..!

బాలీవుడ్ క్యూట్ కపుల్ దీపికా పదుకొణె - రణ్‌ వీర్ సింగ్ గురించి ప్రత్యేకంగా చెప్పనక్కర్లేదు. ప్రేమ వివాహం చేసుకున్న వీరిద్దరూ ఎంతో అన్యోన్యమైన దాంపత్య జీవితాన్ని కొనసాగిస్తున్నారు. ఆన్ స్క్రీన్ లోనూ వీరిది సక్సెస్ ఫుల్ ఫెయిర్ అని చెప్పాలి. భార్యాభర్తలు కలిసి నటించిన సినిమాలు బాక్సాఫీస్ వద్ద మంచి విజయాలను నమోదు చేసాయి.

దీపికా తన అదృష్ట దేవత అని చెప్పే రణ్వీర్.. ఇటీవల తన సతీమణి ఫ్యామిలీతో తనకున్న బాండింగ్ గురించి మాట్లాడాడు. ముఖ్యంగా దీపికా పదుకొనే సోదరి, తన మరదలు అనీషా తో బంధం గురించి చెప్పారు. అంతేకాదు ప్రొఫెషనల్ గోల్ఫ్ ప్లేయర్ అయిన ఆమెతో ఫైటింగ్ జరగడానికి కారణమైన ఒక విషయాన్ని రణవీర్ సింగ్ వెల్లడించాడు.

రణవీర్ సింగ్ తన భార్య దీపికా పదుకొనే కుటుంబంతో గొప్ప బంధాన్ని పంచుకున్నాడు. అందరు బావల మాదిరిగానే తన మరదలు అనీషా పదుకొనేని ఆట పట్టిస్తుంటాడు. వారిద్దరూ తరచుగా ఒకరి సోషల్ మీడియా పోస్ట్‌ లపై ఒకరు కామెంట్స్ చేసుకోవడం కనిపిస్తుంది. అనీషా తరచుగా రణవీర్ - దీపికలతో కలిసి తిరుగుతూ కనిపిస్తుంది.

ఇటీవలి ఇంటర్వ్యూలో రణవీర్ తన మరదలు అనీషాతో తన బంధంపై మాట్లాడుతూ.. ఫుట్‌ బాల్ క్లబ్‌ ను ఎన్నుకోవడంపై జరిగిన వాగ్వాదం గురించి వెల్లడించాడు. రణవీర్ ఆర్సెనల్ అభిమాని అయితే.. అనిషా మాత్రం మాంచెస్టర్ యునైటెడ్ అభిమాని కావడం వల్లనే గొడవ జరిగినట్లు చెప్పాడు.

"మేము కలిసి కూర్చుని ఆర్సెనల్ vs మాంచెస్టర్ యునైటెడ్ చూస్తున్నప్పుడు, ఇది ఎల్లప్పుడూ ఆసక్తికరమైన సమయం. నా బెస్ట్ ఫ్రెండ్స్ ఇద్దరూ కూడా ఆర్సెనల్ అభిమానులే కావడం నా అదృష్టం.. ఎందుకంటే పరిహాస సమయంలో ఏవైనా వస్తువులు బయటకు రావచ్చు" అని రణవీర్ తన గోల్ఫ్ ప్లేయర్ మరదలితో ఫైటింగ్ గురించి సరదాగా చెప్పాడు.

ఇక సినిమాల విషయానికొస్తే.. రణవీర్ సింగ్ చివరిగా 'జయేష్‌ భాయ్ జోర్దార్‌' లో కనిపించాడు. షాలినీ పాండే - బోమన్ ఇరానీలతో కలిసి నటించిన ఈ చిత్రం బాక్సాఫీస్ వద్ద ప్రభావం చూపలేకపోయింది. రోహిత్ శెట్టి దర్శకత్వంలో 'సర్కస్‌' సినిమాని పూర్తి చేసాడు. ఇందులో జాక్వెలిన్ ఫెర్నాండెజ్ - పూజా హెగ్డే హీరోయిన్లుగా నటించారు.

'సర్కస్‌' సినిమా క్రిస్మస్ స్పెషల్ గా 23 డిసెంబర్ 2022న ప్రపంచవ్యాప్తంగా థియేట్రికల్ విడుదలకు షెడ్యూల్ చేయబడింది. ఇది 1982 నాటి హిందీ చిత్రం 'అంగూర్' ఆధారంగా రూపొందించబడిందని టాక్. రణవీర్ ప్రస్తుతం అలియా భట్ తో కలిసి 'రాకీ ఔర్ రాణి కి ప్రేమ్ కహానీ' సినిమాలో నటిస్తున్నాడు.

కరణ్ జోహార్ చాలా గ్యాప్ తర్వాత మెగా ఫోన్ పట్టుకొని ఈ రొమాంటిక్-కామెడీ చిత్రాన్ని తెరకెక్కిస్తున్నారు. 28 ఏప్రిల్ 2023న థియేట్రికల్ విడుదల కాబోతున్నట్లు మేకర్స్ ఇటీవలే ప్రకటించారు. అలానే శంకర్ దర్శకత్వంలో 'అపరిచితుడు' రీమేక్ లో రణవీర్ సింగ్ నటించనున్నాడు.

దీపికా పడుకునే విషయానికొస్తే.. ఈ ఏడాది 'గెహ్రైయాన్' సినిమాతో పలకరించింది. 'బ్రహ్మాస్త్రం: మొదటి భాగం - శివ' చిత్రంలో గుర్తింపు లేని అతిధి పాత్ర పోషించింది. కాకపోతే 'బ్రహ్మాస్త్ర 2: దేవ్' లో ఆమెనే హీరోయిన్ అని తెలుస్తోంది. 'సర్కస్' సినిమాలో గెస్ట్ రోల్ లో కనిపించనున్న ఈ బ్యూటీ.. 'పఠాన్' మూవీలో షారూక్ ఖాన్ తో కలిసి నటిస్తోంది.

ప్రస్తుతం పాన్ ఇండియా స్టార్ ప్రభాస్ సరసన 'ప్రాజెక్ట్ K' మూవీలో దీపికా హీరోయిన్ గా నటిస్తోంది. ఇది ఆమెకు టాలీవుడ్ డెబ్యూ. ఇదే క్రమంలో 'ఫైటర్' సినిమా చేయనుంది. అలానే అట్లీ దర్శకత్వంలో షారుక్ హీరోగా తెరకెక్కుతున్న 'జవాన్' చిత్రంలో స్పెషల్ అప్పీయరెన్స్ ఇవ్వనుంది దీపికా .


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.