న‌గ్న భంగిమ‌ను కాపీ కొట్టిన స్టార్ హీరో

ఫ్యాష‌న్ ప్ర‌పంచం బోలెడ‌న్ని నేర్పిస్తుంది. ప్ర‌జ‌లు ఔరా! అంటూ నోళ్లు తెరిచేలా.. ఇంట‌ర్నెట్ ని గ‌డ‌గ‌డ‌లాడించేలా.. ఏదో ఒక‌టి చేయాలనేది ఫ్యాష‌న్ వ‌ర‌ల్డ్ లో నేర్పించే తొలి పాఠం. ఈ పాఠాల్ని బాగా పుక్కిట ప‌ట్టిన ఫ్యాష‌నిస్టాలు చెల‌రేగిపోవ‌డం చూస్తున్న‌దే.

ఇక బాలీవుడ్ లో ఏ ఇత‌ర హీరోతో పోల్చినా ర‌ణ‌వీర్ సింగ్ లో విల‌క్ష‌ణ‌త ఎనర్జిటిక్ ట్రెండీ స్టైల్ కంటెంట్ గురించి యువ‌త‌రం ఎక్కువ‌గా మాట్లాడుకుంటుంది. అత‌డు ప్ర‌తిసారీ త‌న‌దైన విల‌క్ష‌ణ‌త‌తో చెల‌రేగిపోతుంటాడు. ఫ్యాష‌న్ పేరుతో అత‌డు ఇప్ప‌టికే చాలా వెరైటీల‌ను పరిచ‌యం చేసాడు. ఎన్నోసార్లు అత‌డి వేష‌ధార‌ణ‌లు తీవ్ర విమ‌ర్శ‌ల‌కు కార‌ణ‌మ‌య్యాయి. నెటిజ‌నులు అదే ప‌నిగా అత‌డిపై జోకులు వేసారు. మీమ్ ఫెస్టివ‌ల్ చేసారు. కానీ ర‌ణ్ వీర్ తాను అనుకున్న‌ది మాత్రం చేయ‌ల‌గలుగుతున్నాడు. అత‌డికి సోష‌ల్ మీడియాల్లోనూ ఇప్పుడు అసాధార‌ణ ఫాలోయింగ్ ఉంది.

తాజాగా రణవీర్ లేటెస్ట్ ఫోటోషూట్ ఇంటర్నెట్ ను షేక్ చేస్తోంది. అత‌డు బిడియం అన్న‌దే లేకుండా త‌న‌ న‌గ్న‌త్వాన్ని బ‌య‌ట‌పెట్టాడు. ఒక ప్ర‌ముఖ‌ పత్రిక కోసం పూర్తి నగ్నంగా పోజులిచ్చాడు. అయితే ఇది కూడా అత‌డు కాపీ కొట్టాడంటూ క్ష‌ణాల్లోనే అభిమానులు ఆధారాలు స‌హా నిరూపించారు. హాలీవుడ్ హంక్ బర్ట్ రేనాల్డ్స్ కు నివాళిగా ఇలా ర‌ణ‌వీర్ ఫోజిచ్చాడంటూ రెండు పోటోల‌ను మెర్జ్ చేసి మ‌రీ సోషల్ మీడియాలో షేర్ చేసారు.

ర‌ణ‌వీర్ ఒక‌ టర్కిష్ రగ్గుపై నగ్నంగా పోజులిచ్చాడు. ఈ ఫోటోతో పాటు ర‌క‌ర‌కాల భంగిమ‌ల్లో పూర్తి న‌గ్నంగా అత‌డు క‌నిపించాడు. అయితే అత‌డు ఇలా చేయ‌డానికి కార‌ణ‌మేమిటీ? అని ప్ర‌శ్నిస్తే.. స‌ద‌రు మ్యాగజైన్ కు ఇచ్చిన ఇంటర్వ్యూలో ఆస‌క్తిక‌ర విష‌యాలు చెప్పాడు. శారీరకంగా నగ్నంగా ఉండటం చాలా సులభం .. అయితే కొన్ని ప్రదర్శనలలో నా ఆత్మను ఆవిష్క‌రించేంత‌ డీప్ గా వెళ్లాన‌ని చెప్పాడు.

`బేర్-ఇట్-ఆల్` ఫోటోషూట్ తో తన పబ్లిక్ ఇమేజ్ కానీ సెలబ్రిటీ స్టాట‌స్ కానీ అడ్డంకులు కావు.. తనకు నిజంగా ఎటువంటి అడ్డంకులు లేవనే వాస్తవాన్ని వెల్ల‌డించేందుకే ర‌ణ‌వీర్ ఇలా చేసాన‌ని అన్నాడు. వెయ్యి మంది ముందు తాను నగ్నంగా ఉండగలనని.. దాని గురించి పట్టించుకోనని కూడా ర‌ణ‌వీర్ అన్నాడు. అయితే ఎక్కువ సమయం, ప్రజలు అసౌకర్యానికి గురవుతారు! అని భావిస్తున్న‌ట్టు తెలిపాడు. త‌న అభిమానులు ఫిట్ గా ఉండేందుకు ఇది స్ఫూర్తినిస్తుంద‌ని భావిస్తున్న‌ట్టు వెల్ల‌డించాడు.

డైట్ సబ్యా ఫ్యాషన్ క్రిటిక్ ఇన్ స్టాగ్రామ్ ఖాతాలో కాపీ ఫోటోషూట్ వ్య‌వ‌హారం బ‌ట్ట‌బ‌య‌లైంది. స‌బ్యా ఈ ఫోటోలను షేర్ చేయ‌గా వెంటనే, చాలా మంది కామెంట్లు చేసారు. ఇంత‌కుముందు మిలింద్ సోమ‌న్ న‌డిచాడు కాబట్టి రణవీర్ పరిగెత్తాడు!!! అని ఒక‌రు వ్యాఖ్యానించ‌గా..MR దీపికా పదుకొనే ఇది చాలా కామెడీగా ఉంది`` అని వ్యాఖ్యానించారు.

కెరీర్ మ్యాట‌ర్ కి వ‌స్తే.. రోహిత్ శెట్టి `సిర్కస్` ... కరణ్ జోహార్ `రాకీ ఔర్ రాణి కి ప్రేమ్ కహానీ`లో ర‌ణ్ వీర్ న‌టిస్తున్నాడు