అంత కసిలోనూ అసలు సీక్రెట్ చెప్పేశాడు

బాలీవుడ్ లో సెట్స్ పై ఉన్న క్రేజీ మూవీస్ లో ప్రధానంగా పద్మావతి గురించే చెప్పుకోవాలి. సంజయ్ లీలా భన్సాలీ తెరకెక్కిస్తున్న ఈ చిత్రంలో.. దీపికా పదుకొనే టైటిల్ రోల్ చేస్తుడగా.. షాహిద్ కపూర్.. రణవీర్ సింగ్ లు ప్రధాన పాత్రలు పోషిస్తున్నారు. ఈ మూవీ షూటింగ్ ప్రారంభమైనా సరే.. ఒక్క ఫోటో కూడా లీక్ కాకుండా డైరెక్టర్ జాగ్రత్తలు తీసుకుంటున్నాడు.

కేవలం రోమన్ అంకెలను మాత్రమే పోస్ట్ చేసిన రణవీర్.. కళ్లనిండా క్రోధం నింపుకుని చూస్తున్నట్లుగా.. కళ్లవరకూ కనిపించేలా ఓ ఫోటోని షేర్ చేశాడు. 17.11.17 అని ఆ రోమన్ అంకెలకు అర్ధం. పద్మావతిలో రణవీర్ చేస్తున్నది అల్లావుద్దీన్ ఖిల్జీ పాత్ర. ఇది విలన్ రోల్ అని ఇప్పటికే చెప్పారు. రణవీర్ గెటప్ కి ఇదే ఫస్ట్ లుక్ అని.. రణవీర్ చెప్పిన అంకెలకు అర్ధం.. పద్మావతి విడుదల తేదీ అని అంటున్నారు బాలీవుడ్ జనాలు.

పద్మావతి పాత్రలో దీపిక.. ఆమ భర్త రాజా రావల్ సింగ్ పాత్రలో షాహిద్ కపూర్ నటిస్తున్నారు. ఖిల్జీ రాజ వంశంలో రెండో రాజు అయిన అల్లావుద్దీన్ ఖిల్జీ పాత్రను రణవీర్ సింగ్ చేస్తుండడంతో ఈ చారిత్రక చిత్రంపై ఆసక్తి పెరిగిపోయింది. బాజీరావ్ మస్తానీ లాంటి బ్లాక్ బస్టర్ తర్వాత.. సంజయ్ లీలా భన్సాలీ-దీపికా పదుకొనే-రణవీర్ సింగ్ ల కాంబినేషన్ లో వస్తున్న చిత్రం కావడంతో అంచనాలు కూడా ఎక్కువగానే ఉన్నాయి.

Like Us on Facebook : https://www.facebook.com/Tupakidotcom/