షారూఖ్ లిస్టు నుంచి మరో సినిమా అవుట్

ఒక్కోసారి అంతే.. లక్కు లక్కలాగా అంటిపెట్టుకుని ఉంటుంది. ఏం చేసినా వర్క్ అవుట్ అవుతుంది. ఇప్పుడు తెలుగులో విజయ్ దేవరకొండ.. హిందీలో అలియా భట్ లు అలాంటి ఫేజ్ లోనే ఉన్నారు. ఇక దీనికి పూర్తి వ్యతిరేకంగా బ్యాడ్ లక్ కూడా మనలను ఒక్కో ఫేజ్ లో అంటిపెట్టుకునే ఉంటుంది. మనసంగతేమో కానీ బాలీవుడ్ బాద్షా షారూఖ్ కెరీర్ కు ఈ బ్యాడ్ లక్ అలానే తగులుకుంది.

'చిత్రలహరి' సినిమాలో సాయి తేజ్ పాత్రను తగులుకున్నట్టు ఈ బ్యాడ్ లక్ షారూఖ్ ను గట్టిగా తగులుకుంది. ఏం చేసినా బొగ్గే.. అన్నట్టుగా ఉంది షారూఖ్ పరిస్థితి. 'జీరో' ఇచ్చిన షాక్ తో కొత్త సినిమాలకు సైన్ చేయాలంటేనే భయపడుతున్నాడు. మరో సినిమా ఫ్లాప్ అయితే తన సినిమా రిలీజ్ విషయాన్ని కూడా పట్టించుకోరని అనుకున్నాడో ఏమో కానీ కొత్త సినిమాల విషయంలో భయపడుతున్నాడు. ఇప్పటికే రాకేశ్ శర్మ బయోపిక్ 'సారే జహాసే అచ్ఛా' సినిమా నుండి తప్పుకున్నాడు. ఈ సినిమా తర్వాత మరో సినిమా నుండి కూడా తప్పుకున్నాడని బాలీవుడ్ లో టాక్ వినిపిస్తోంది. 'డాన్'.. 'డాన్ 2' లో హీరో గా నటించిన షారూఖ్ 'డాన్ 3' లో కూడా హీరోగా నటించవలసి ఉంది. కానీ షారూఖ్ తప్పుకోవడంతో షారూఖ్ కు బదులుగా రణవీర్ సింగ్ పేరును పరిశీలిస్తున్నారట.

ప్రొడ్యూసర్ రితేష్ సిద్వాని మాత్రం ఈ సినిమా స్క్రిప్ట్ వర్క్ మాత్రం జోరుగా సాగుతోందని తెలిపాడు కానీ హీరో విషయంలో ఇంకా క్లారిటీ ఇవ్వలేదు. ఒకవేళ షారుఖ్ ఈ సినిమా నుండి తప్పుకోవడం నిజమే అయితే షారూఖ్ మామూలు షాక్ లో ఉన్నట్టు కాదు.. భారీ షాక్ లోనే ఉన్నట్టు. మరి ఇప్పటికే ఈ షాక్ నుంచి బయటకొస్తాడో వేచి చూడాలి.