వీడియో : ఆ హీరో సర్‌ ప్రైజ్ ముద్దులకి యాంకర్ షాక్‌

సైమా అవార్డుల వేడుక బెంగళూరులో వైభవంగా జరిగింది. సౌత్‌ ఇండియన్ సినీ సెలబ్రెటీలు పదుల సంఖ్యలో ఈ కార్యక్రమంలో పాల్గొన్నారు. బాలీవుడ్‌ నుండి రణ్వీర్‌ సింగ్ కూడా ఈ కార్యక్రమంలో పాల్గొని ప్రత్యేక ఆకర్షణగా నిలిచాడు. రణ్ వీర్ సింగ్ కి దేశవ్యాప్తంగా ఫ్యాన్ ఫాలోయింగ్ ఉంది అనడంలో సందేహం లేదు. ఆయన ఎప్పటికప్పుడు వార్తల్లో నిలుస్తూ ఉంటాడు.

తాజాగా సైమా అవార్డు వేడుకలో రణ్వీర్‌ సింగ్‌ పాల్గొన్న సమయంలో మన తెలుగు యాంకర్ శ్రీముఖి వద్దకు వెళ్లి ఆమెను హగ్ చేసుకుని.. ఆమె చేతులకి ముద్దులు పెట్టాడు.

ఆ సమయంలో ఏం జరుగుతుందో అర్థం కాక శ్రీముఖి అలా షాకింగ్‌ ఎక్స్ ప్రెషన్స్ ఇచ్చింది. ఆ క్షణాల్లో ఆమె మొహం లోని మెరుపును గుర్తించవచ్చు.

రణ్వీర్‌ సింగ్‌ వచ్చి హగ్‌ చేసుకోవడమే చాలా షాకింగ్‌ అనుకుంటే చేతులు రెండు తీసుకుని ముద్దులు పెట్టడంతో శ్రీముఖికి కింద పడ్డంత పని అయ్యి ఉంటుంది. అయినా కూడా శ్రీముఖి తడుముకుని ఏం జరిగిందో అర్థం కానట్లుగా మళ్లీ వెనక్కి వెళ్లి తన యాంకరింగ్ ను కంటిన్యూ చేసింది.

శ్రీముఖి ఈ వీడియోను షేర్ చేసి అసలేం జరిగింది అన్నట్లుగా లవ్ ఈమోజీలను షేర్ చేసింది. ఎంతో మంది హీరోయిన్స్ ఆయనతో ఒక్క ఫోటో కోసం చూస్తూ ఉంటారు.

అలాంటిది శ్రీముఖికి ఏకంగా ఆయన యొక్క హగ్‌ మరియు ముద్దులు దక్కాయి. నిజంగా మన రాములమ్మ లక్కీ అంటూ కామెంట్స్ వస్తున్నాయి. రణ్వీర్‌ అలా షాకింగ్‌ గా శ్రీముఖి పై ముద్దులు కురిపించడానికి కారణం ఏంటి అనేది తెలియాల్సి ఉంది.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.