ముంబై పోలీసుల ముందుకు స్టార్ హీరో రణవీర్.. ఏమైంది?

తారలంటే ఆకాశం నుంచి దిగివచ్చారా? అని ప్రజలు ఆరాధించేవారు. మన ఎన్టీఆర్ ను అయితే శ్రీకృష్ణుడు, రాముడు వేశాల్లో చూసి దేవుడిగా కొలిచేవారు. వారు కూడా అలా పద్ధతిగానే ఉండేవారు. వారు చేసే పనులు, మాటలు అభిమానులు పాటించేలా గొప్పగా ప్రవర్తించేవారు. కానీ ఇప్పుడు హీరోలు అంటేనే వివాదాల సుడిగుండంలో చిక్కుకుంటున్నారు. హీరోలే వివాదాలు సృష్టించుకొని వారికి వారే బలహీన పడుతున్నారు.

బాలీవుడ్ స్టార్ మీరో రణ్ వీర్ సింగ్ చిక్కుల్లో పడ్డారు. తన నగ్న పొటోలను సోషల్ మీడియాలో పోస్ట్ చేసినందుకు అతడిపై నమోదైన కేసులో ఇవాళ ముంబై పోలీసుల ఎదుట హాజరు కానున్నారు.

గత నెలలో ఓ మ్యాగజైన్ కోసం బట్టలన్నీ విప్పి నగ్నంగా పోజులిచ్చాడు రణ్ వీర్ సింగ్. ఎన్ని డబ్బులు ఇచ్చినా కూడా ఒక స్టార్ హీరో అయ్యిండి ఇలా బరివాత నిలబడడం చూసి అందరూ షాక్ అయ్యారు. గతనెలలో కొందరు ముంబైలోని చెంబూర్ పోలీస్ స్టేషన్ లో రణ్ వీర్ సింగ్ పై కేసు పెట్టగా ఎఫ్ఐఆర్ నమోదైంది. ఆ తర్వాత కేసు విచారణలో పాల్గొనాల్సిందిగా పోలీసులు రణ్ వీర్ సింగ్ కు నోటీసులు పంపారు. ఈ క్రమంలోనే ఈరోజు ఉదయం విచారణ అధికారి ముందు హాజరై రణ్ వీర్ సింగ్ వాంగ్మూలం ఇచ్చారు.

గతంలో రణ్ వీర్ సింగ్ నగ్నంగా చేసిన ఫొటో షూట్ యే దీనంతటికి కారణమైంది. చాలా మంది దీనిపై అభ్యంతరం వ్యక్తం చేశారు. కొంత మంది రణ్ వీర్ సింగ్ కు సపోర్టు చేశారు. ఏది ఏమైనా హీరోలు ఈ మధ్యకాలంలో వారికి ఇష్టం వచ్చినట్లు చేస్తూ మీడియాను తమవైపు తిప్పుకుంటున్నట్లు కనబడుతోంది. సినిమాల కంటే వివాదాలే హీరోలకు ఇష్టంగా ఉన్నట్లు కనపడుతోంది.

కార్పొరేట్ దిగ్గజాలు తమ వ్యాపారాలను మార్కెటింగ్ చేసుకునేందుకు వినూత్న స్ట్రాటజీ అవలంభిస్తుంటాయి. మిగిలిన కార్పొరేట్ కంపెనీల మార్కెటింగ్ స్ట్రాటజీ ఎలా ఉన్నా భవిష్ అగర్వాల్ అందుకు భిన్నంగా వ్యవహరిస్తున్నారు. పెట్రోల్ వెహికల్స్, ఎలక్ట్రిక్ వెహికల్స్ ను పోల్చుతూ పేపర్ మ్యాగజైన్ కోసం నగ్నంగా ఫోజులిచ్చిన స్టార్ హీరో రణ్ వీర్ సింగ్ ఫొటోల్ని ట్వీట్ చేశారు.

భవీష్ ట్వీట్ లో నేలపై నగ్నంగా కూర్చొన్న రణ్ వీర్ సింగ్ ఫొటోకు 'పెట్రోల్ వాలా' అని.. ఓలా ఎలక్ట్రిక్ స్కూటర్ నగ్నంగా డ్యాన్స్ ఫోజ్ పెట్టిన రణ్ వీర్ ఫొటోకు 'ప్రో వాలా' అని పేర్కొన్నారు. ఇలా రణ్ వీర్ నగ్న ఫొటోలపై చాలా నెటిజన్లు, వ్యాపారవేత్తలు సైతం ట్రోల్ చేసి సోషల్ మీడియాలో తెగ సందడి చేశారు.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.