బేఫికర్ గా మూడో ముద్దు పెట్టేసుకున్నారు

ముద్దులతో సినిమాకి క్రేజ్ ఎలా తీసుకురావచ్చో.. బాలీవుడ్ జనాలు బాగానే తెలుసుకున్నారు. మనోళ్లు ఇంకా మూతి మూతి ఆనించి అదే లిప్ లాక్ అనుకుంటున్నారు కానీ.. ఈ స్టేజ్ దాటి బాలీవుడ్ ఎప్పుడో ముందుకెళ్లిపోయింది. ఇప్పటివరకూ ఒకటి అరా ముద్దు సీన్లుంటేనే సినిమాకి క్రేజ్ వస్తున్న సమయంలో.. బేఫికర్ కోసం.. ముద్దుల వర్షం కురిపించేస్తున్నారు హీరో రణ్ వీర్ సింగ్ - హీరోయిన్ వాణి కపూర్ లు.

బేఫికర్ కి ఇప్పుడు మూడో పోస్టర్ రిలీజ్ అయింది. ముచ్చటగా ఈ సారి కూడా ఇద్దరూ లిప్ లాక్ వేసుకున్న సీన్ నే పోస్టర్ గా విడుదల చేశారు. మొదటి రెండు కూడా మూతి ముద్దుల భాగోతమే. ఒకటి, రెండు, మూడు అని లెక్క పెట్టుకుంటూ పోతే.. వీళ్ల ముద్దుల కౌంట్ ను లెక్క పెట్టడం కష్టమైపోతుంది. ఎందుకో తెలుసా.. ఈ సినిమాలో రణ్ వీర్ సింగ్ - వాణి కపూర్ ల మధ్య 23 ముద్దు సీన్స్ ఉంటాయని ముందే లీకులిచ్చింది బేఫికర్ యూనిట్.

మరి ఈ 23 లిప్ కిస్ ల కోసం.. రణ్ వీర్ ఎన్ని టేకులు తీసుకున్నాడో.. వాణి కపూర్ ఎన్ని ముద్దులు లాగించిందో కౌంటింగ్ బాగా కష్టమైపోతోందనే టాక్ వినిపిస్తోంది. మొత్తానికి ఈ బేఫికర్ ని ముద్దులతో నింపేశారనే మాట అయితే వాస్తవమే. మరి ఇన్ని లిప్ లాక్ లను చూసి ఎంజాయ్ చేసేద్దామంటే మాత్రం అప్పుడే కుదరదు. దానికి ఇంకా 6నెలల టైం ఉంది. డిసెంబర్ 9న బేఫికర్ రిలీజ్ కు డేట్ లాక్ చేసుకున్నారు.