అప్పుడే తండ్రితో పోల్చేస్తున్నారు

ప్రస్తుతం ఇండస్ట్రీలో ఉన్న కేరక్టర్ ఆర్టిస్టులలో రావు రమేష్ కు ప్రత్యేకమైన గుర్తింపు ఉంది. తను చేసే కేరక్టర్లతోనే ఆ గుర్తింపు సంపాదించుకున్న ఈ కేరక్టర్ ఆర్టిస్ట్.. ఒక్కో మెట్టూ ఎదుగుతూనే ఉన్నాడు. ప్రస్తుతం స్టార్ స్టేటస్ అందుకున్నాడని కూడా చెప్పచ్చు. అయితే.. ఈ ప్రయాణంలో ఎక్కడా తండ్రి పేరు ఉపయోగించకుండా.. కేవలం తన ప్రతిభతో మాత్రమే ఈ స్థాయికి చేరడం విశేషం.

రావు రమేష్ తండ్రి సీనియర్ నటుడు రావు గోపాలరావు అనే సంగతి తెలిసిందే. అయితే.. కేరక్టర్స్ కోసం ఏనాడు ఆయన పేరు వాడుకోలేదు రావు రమేష్. కానీ ఇప్పుడు రావు గోపాలరావుతో రావు రమేష్ కు పోలికలు మొదలైపోయాయి. తండ్రితో పోల్చడం ఏ కొడుకుకు అయినా గర్వకారణంగానే ఉంటుంది. రావు రమేష్ కోసం రైటర్స్ కొత్త కొత్త కేరక్టర్స్ కూడా సృష్టిస్తుండడం విశేషం. 'చాలామంది రైటర్స్ ఒకే తరహా కేరక్టర్స్ తో నా దగ్గరకు వస్తున్నారు. కానీ నేను విభిన్నమైన పాత్రల కోసం చూస్తున్నాను' అంటున్నాడు రావు రమేష్.

అయితే.. ప్రస్తుతం తాను ఈ స్థాయిని అందుకోవడంలో ఆ క్రెడిట్ అంతా రైటర్స్ దేనని.. తన కోసం ఎన్నో మంచి కేరక్టర్స్ సృష్టిస్తున్నారని అంటున్నాడు రావు రమేష్. త్వరలో కేశవ మూవీతో ప్రేక్షకుల ముందుకు రానుండగా.. త్రివిక్రమ్.. హరీష్ శంకర్ దర్శకత్వంలో రూపొందుతున్న సినిమాల్లో కీలకమైన పాత్రలతో ఆకట్టుకోబోతోన్నాడు రావు రమేష్.

Like Us on Facebook : https://www.facebook.com/Tupakidotcom/