రావు గారికి అదిరే రోల్ ఇస్తున్న బన్నీ

టాలీవుడ్ కేరక్టర్ ఆర్టిస్ట్ కం విలన్ అయిన రావు రమేష్ విపరీతంగా క్రేజ్ పెరిగిపోయింది. ప్రతీ సినిమాతోనూ తన రేంజ్ ని పెంచుకుంటున్నాడు ఈ రావు గోపాల్రావు గారబ్బాయి. రావు రమేష్ రోల్ ఉందంటే.. జనాలు ఆసక్తిగా గమనించే స్థాయికి చేరుకున్నాడు. అ..ఆ.. మూవీలో పెర్ఫామెన్స్ తర్వాత అయితే.. ఈయనకు రోల్స్ కుప్పలు తెప్పలుగా వచ్చి పడుతున్నాయి. ఇలా వచ్చినవాటిలోంచి తాను మాత్రమే చేయగల రోల్స్ ను ఏరికోరి ఎంపిక చేసుకుంటున్నాడు.

స్టైలిష్ స్టార్ అల్లు అర్జున్ హీరోగా హరీష్ శంకర్ దర్శకత్వలో ఒక మూవీ ప్రారంభం కానున్న విషయం తెలిసిందే. సరైనోడు బ్లాక్ బస్టర్ ఇచ్చిన ఊపు నుంచి బయటకు వచ్చిన స్టైలిష్ స్టార్ అల్లు అర్జున్ కొత్త సినిమాపై.. ఇప్పటికే పనులు మొదలుపెట్టేశాడు. ఈ చిత్రంలో రావురమేష్ కి సూపర్బ్ రోల్ ఆఫర్ చేసినట్లు తెలుస్తోంది. గతంలో కూడా రావు రమేష్ కి హరీష్ శంకర్ మంచి రోల్ ఇచ్చాడు. సుబ్రమణ్యం ఫర్ సేల్ లో రావు రమేష్ కాసేపే కనిపించినా.. ఆ పాత్ర విపరీతంగా ఆకట్టుకుంటుంది.

ఇప్పుడు అల్లు అర్జున్ మూవీలో కూడా ఈ విభిన్న నటుడికి మంచి పాత్ర వచ్చిందని అంటున్నారు. రావురమేష్ నటనపై విపరీతమైన మక్కువ ఉన్న త్రివిక్రమ్-హరీష్ శంకర్ లాంటి రైటర్ కం డైరెక్టర్లు విభిన్న పాత్రలు- ఆకట్టుకునే మాటలతో కూడిన రోల్స్ ను రావు రమేష్ కు ఆఫర్ చేస్తున్నారు.