దీపాల కాంతుల్లో సెగలు రేపుతున్న రాశీ కన్నా..!

టాలీవుడ్లోని టాప్ హీరోయిన్లలో రాశి కన్నా ఒకరు. ఢిల్లీకి చెందిన ఈ భామ 'మద్రాస్ కెఫె' అనే హిందీ మూవీతో ఇండస్ట్రీలోకి అడుగుపెట్టింది. 2013లో సినీ కెరీర్ ప్రారంభించిన ఈ రాశీ కన్నా ఆ మరుసటి ఏడాదే తెలుగు తెరకు పరిచయమైంది. 2014లో అవసరాల శ్రీనివాస్ దర్శకత్వంలో వచ్చిన 'ఊహలు గుసగుసలాడే' సినిమాలో నటించింది.

ఈ మూవీ సూపర్ హిట్టు కావడంతో టాలీవుడ్లో రాశీ కన్నాకు వరుస ఆఫర్లు దక్కాయి. నటనతోపాటు గ్లామర్ షోకు ఏమాత్రం వెనుకడాక పోవడంతో రాశీకన్నా కెరీర్ హిట్స్, ప్లాపులతో సంబంధం లేకుండా ముందుకెళుతోంది. ఈక్రమంలోనే యంగ్ టైగర్ ఎన్టీఆర్, సాయిధరమ్ తేజ్, రవితేజ, గోపిచంద్ తదితర స్టార్ హీరోలతో కలిసి నటించే ఛాన్స్ దక్కించుకుంది.

టాలీవుడ్లో సినిమాలు చేస్తున్న సమయంలోనే ఈ భామకు తమిళ, మలయాళ భాషల్లో నటించే ఛాన్స్ లభించింది. దీంతో అక్కడ సైతం పలు సినిమాల్లో నటించి మంచి ఫ్యాన్ ఫాలోయింగ్ సంపాదించుకుంది. ఈ ఏడాది కూడా నాలుగు సినిమాలతో ఫుల్ బీజీగా ఉంది. గోపిచంద్ తో 'పక్కా కమర్షియల్'.. నాగచైతన్యతో 'థ్యాంక్యూ' సినిమాలు చేసింది.

తమిళంలో ధనుష్ నటించిన 'తిరు'లో నటించింది. ఈ సినిమా సూపర్ హిట్టుగా నిలిచింది. కార్తీ నటించిన 'సర్దార్' మూవీ ఇటీవలే రిలీజై మంచి కలెక్షన్లతో దూసుకెళుతోంది. ఈ మూవీలో కార్తీక్ కు జోడీగా రాశీ కన్నా నటించింది. తెలుగు, తమిళంలో ఈ భామకు స్టార్డమ్ ఉండటంతో బై లాంగ్వేస్ సినిమాల్లో రాశీ కన్నాకే తొలి ప్రాధాన్యం దక్కుతోంది.

రాశీ కన్నా సినిమాల్లో ఎంత బీజీగా ఉన్నప్పటికీ సోషల్ మీడియాకు కొంత సమయాన్ని కేటాయిస్తోంది. తన ఇన్ స్ట్రాలో హాట్ హాట్ ఫొటోలు, వీడియోలను అప్ లోడ్ చేస్తూ అభిమానుల అటెన్షన్ తనవైపు ఉండేలా చూసుకుంటోంది. నేడు దీపావళిని పురస్కరించుకొని రాశీ కన్నా కొన్ని పిక్స్ సోషల్ మీడియాలో షేర్ చేసింది.

దీపాల కాంతుల్లో రాశీ కన్నా మరింత అందంగా కన్పిస్తోంది. సింపుల్ పర్పుల్ కలర్ డిజైన్ సూట్ ధరించిన రాశీ కన్నా సొగసు చూడతరమా అన్నట్లుగా ఫోజ్ పెట్టింది. మెడలో అందమైన నెక్లస్.. చెవికి రింగులు.. చేతికి బ్యాంగిల్స్.. లూస్ హేర్ తో ఒంట్లో నుంచే వచ్చే సెగలతో కుర్రకారుకు హీట్ పుట్టిస్తోంది.

ఈ అమ్మడి దీపావళి విషెస్ కు అభిమానులు ఫిదా అవుతూ తెగ లైకులు, కామెంట్స్ చేస్తున్నారు. దీంతో రాశీ కన్నా దీపావళి పిక్స్ సోషల్ మీడియాలో వైరల్ అవుతున్నాయి.



నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.