రాశి.. రకుల్‌.. అక్కడా పోటీయే

ఇక కాజల్‌, తమన్నాలు బాగా సీనియర్లు అయిపోతే.. సమంత, శృతిహాసన్‌ లు కూడా బాగా బిజీ అయిపోతూ టాలీవుడ్‌ కు దొరకట్లేదు. ఈ సమయంలో మనకున్న స్టార్‌ హీరోయిన్లు ఎవరూ అంటే.. ఖచ్చితంగా రకుల్‌ ప్రీత్‌, రాశి ఖన్నా, రెజీనా పేర్లు చెప్పాల్సిందే. అయితే వీళ్లలో రకుల్‌, రాశి మధ్యన విపరీతమైన పోటీ ఉంది. ఇప్పటివరకు పెద్ద హీరోలతో ఒక్క సినిమా కూడా దక్కించుకోకపోయినా కూడా.. రాశి మాత్రం చరణ్‌, ఎన్టీఆర్‌ లతో సినిమాలు చేస్తున్న రకుల్‌ ను ఢీకొడుతోంది. ఈ పోటీ ఎక్కడ చూసినా కనిపిస్తోందంతే.

మొన్నటికి మొన్న మా టివి వారు నిర్వహించిన సిని'మా' అవార్డ్సులో కూడా ఇద్దరూ పోటా పోటీగానే స్టేజీపై చిందేశారు. ఒక ప్రక్కన అసలు ఈవెంటుకు ఒక తెలుగు పల్లెపడుచు టైపులో ఓ చీర కట్టులో వచ్చి రకుల్‌ ఫుల్‌ కిక్కిస్తే, మరో ప్రక్కన రాశి మాత్రం సిండ్రెల్లా టైపులో ఒక గౌను లో వచ్చి అరిపించేసింది. ఇక్కడితో ఆగలేదు వీళ్ళిద్దరి పోటీ.. ఇద్దరూ స్టేజీపై సెపరేట్‌ సెపరేటుగా డ్యాన్సులు వేశారులే. రకుల్‌ ప్రీత్‌ తన నాభి అందాలతో ఉవ్విళ్ళూరిస్తే.. మరో ప్రక్కన రాశి మాత్రం పిక్కల సోయగంతో కవ్వించేసింది. ఇదంతా కూడా ఏదో జనాలను అలరించడానికి అన్నట్లు కాకుండా.. తమ మధ్య కాంపిటీషన్‌ పెట్టారన్నట్లు అదరగొట్టేశారు ఇద్దరూ.. నువ్వానేనా అంటూ సాగిన వీరి డ్యాన్సుల్లో ఇద్దరూ బాగానే చేశారు. కాకపోతే ఇద్దరి డ్యాన్సూ ఇంకా ఇంప్రూవ్‌ కావాలి.