కుర్చీలో కునుకేసిన రాశీ ఏం క‌ల గంటోందో?

ఢిల్లీ బ్యూటీ రాశిఖ‌న్నా కెరీర్ జెట్ స్పీడ్ తో ప‌రుగులు పెడుతోంది. వ‌రుస‌గా తెలుగు.. త‌మిళ్ సినిమాల్లో న‌టిస్తూ ఎన్న‌డు లేనంత బిజీగా ఉంది. రెండేళ్ల పాటు డైరీ ఫుల్ అయింది. ఆన్ సెట్స్ లో కొన్ని సినిమాలు చిత్రీక‌ర‌ణ ద‌శ‌లో ఉన్నాయి.. మ‌రికొన్ని షూటింగ్ పూర్తి చేసుకుని రిలీజ్ కి రెడీగా ఉన్న‌వి ఉన్నాయి. వీటిలో ఎక్కువ‌గా కోలీవుడ్ సినిమాలే ఉన్నాయి. కొవిడ్ కార‌ణంగానే రిలీజ్ లు వాయిదా ప‌డుతున్నాయి. తాజాగా షూటింగ్ స్పాట్ నుంచి రాశీఖ‌న్నా కునుకు పాట్లు ప‌డుతున్న ఓ ఫోటో లీకైంది. ఆన్ సెట్స్ లో విరామం త‌ర్వాత ఇలా కుర్చీలోనే కూర్చుని నిదిరిస్తోంది. మ‌రీ ఇలా నిద్రించ‌డం ఇదే తొలిసారా? అంటే కాద‌నే అంటోంది.

ఏ సినిమా షూటింగ్ లోనైనా గ్యాప్ దొరికితే వెంట‌నే ఉన్న ప్లేస్ లో స్లీప్ వేస్తుందిట‌. ఆ స్లీప్ లో వెకేష‌న్ గురించి క‌ల‌లు కంటుందిట‌. అంటే అది నిద్ర కాదు. క‌ళ్లు మూసుకుని ప్ర‌శాంత‌గా ఉండ‌టం అన్న మాట‌. అలా క‌ళ్లు మూసుకుని ఎక్కువ రోజులు సెల‌వు దొరికితే ఎక్క‌డికి వెకేష‌న్ కి వెళ్తే బాగుంటుంద‌న్న విష‌యాన్ని నిద్రాణ స్థితిలో ఆలోచిస్తుంద‌న్న మాట‌. ఇలా షూటింగ్ గ్యాప్ లో చేస్తే పర్వాలేదు. మ‌రి సుదీర్థ‌మైన రాత్రుళ్ల స‌మ‌యంలోనూ ఇలాగే థింక్ చేస్తుందా? అంటూ ఓ అభిమాని కామెంట్ చేసాడు. అమ్మ‌డు ఇన్ స్టాలో షేర్ చేసిన ఫోటో.. దానికి ఉన్న క్యాప్ష‌న్ బ‌ట్టి ఆ అభిమాని అలా రియాక్ట్ అయ్యాడు. మ‌రి దీనికి రాశీ ఎలాంటి స‌మాధానం ఇవ్వ‌లేదు.

ప్ర‌స్తుతం రాశీఖ‌న్నా గోపీచంద్ స‌ర‌స‌న `ప‌క్కా క‌మ‌ర్శియ‌ల్` చిత్రంలో న‌టిస్తోంది. దీనికి మారుతి ద‌ర్శ‌క‌త్వం వ‌హిస్తున్నారు. షూటింగ్ క్లైమాక్స్ లో ఉంది. అక్టోబ‌ర్ లో సినిమా రిలీజ్ చేయ‌డానికి స‌న్నాహాలు చేస్తున్నారు. అలాగే అక్కినేని వార‌సుడు నాగ‌చైత్య స‌ర‌స‌న `థాంక్యూ ` చిత్రంలో న‌టిస్తోంది. విక్ర‌మ్. కె. కుమార్ దీనికి ద‌ర్శ‌క‌త్వం వ‌హిస్తున్నారు. ప్ర‌ఖ్యాత సినిమాటోగ్రాఫ‌ర్ పీ.సీ శ్రీరామ్ ఈ చిత్రానికి ప‌నిచేస్తున్నారు. తెలుగు లో ఈ రెండు మిన‌హా ఆరు చిత్రాలు కోలీవుడ్ లో న‌టిస్తుంది.